У Чэрыкаўскім раёне за знойдзены на паліцах крам пратэрмінаваны прадукт абяцаюць задарма даваць свежы
У Чэрыкаўскім раёне запусцілі праграму «Спажывецкі кантроль». Яе асноўны прынцып: калі ты знайшоў у краме няякасны тавар — атрымай бясплатна добры, паведамляе «Магілёў.Media».
Фота ілюстрацыйнае
У праект, паводле паведамлення мясцовай раёнкі «Веснік Чэрыкаўшчыны», ужо ўключылася каля дзясятка крамаў Чэрыкаўскага раённага спажывецкага таварыства. Пры яго дапамозе спадзяюцца выключыць выпадкі рэалізацыі тавараў са скончаным тэрмінам захоўвання.
У аддзеле эканомікі Чэрыкаўскага райвыканкама заявілі, што праграма «Спажывецкі кантроль» — гэта, маўляў, нават не акцыя, а гандлёвая палітыка, і заклікалі далучацца да яе ўладальнікаў іншых гандлёвых аб’ектаў.
Каментары