Грамадства1616

Затрыманы ў Івацэвічах расійскі кантрактнік вярнуўся ў вайсковую часць — «Люстэрка»

Расійскага вайскоўца Аляксандра Быкава, якога затрымлівалі ў Івацэвічах 17 чэрвеня, аштрафавалі і ўжо адпусцілі, гэта высветліла «Люстэрка».

Расіянін, які назваўся Аляксандрам Быкавым (злева) падчас затрымання ў Івацэвічах. Брэсцкая вобласць, 17 чэрвеня 2023 года. Фота: «Ганцавіцкі час»

Журналістка выдання, прадставіўшыся сваячкай Быкава, патэлефанала ў канцылярыю Івацэвіцкага суда, дзе ёй сказалі, што матэрыялы справы на такога чалавека не паступалі. У раскладзе судовых пасяджэнняў такога прозвішча таксама не было.

У Івацэвіцкім РАУС журналістцы адказалі, што Аляксандр Быкаў знаходзіцца ў сваёй вайсковай часці.

«Прыехалі яго камандзіры, забралі і адвезлі ў вайсковую часць. Усё нармальна, жывы-здаровы. Можаце жонцы яго патэлефанаваць, яна з'ехала дадому», — сказалі ў РАУС.

Судзіць Быкава не будуць, але яму выпісалі штраф, які аплаціла ягоная жонка. Штраф, паводле начальніка мясцовай міліцыі, невялікі.

Вечарам 17 чэрвеня ў Івацэвічах скруцілі дваіх расіян, якія ехалі на аўто з літарай Z на шкле.

Пасля з'яўлення відэа ў сеціве ананімны тэлеграм-канал, звязаны з беларускімі сілавікамі, расказаў падрабязнасці затрымання. Паводле яго інфармацыі, сям'я ўжывала алкаголь, а з гулянкі вырашыла паехаць на сваім аўто.

Машыну спынілі супрацоўнікі ДАІ. Расіяне не рэагавалі на папярэджанні і «атрымалі па поўнай праграме пратаколы не толькі за перадачу стырна і п'яную язду, але і за непадпарадкаванне». 

Пазней стала вядома, што адзін з затрыманых расіян, Аляксандр Быкаў — кантрактнік расійскай арміі і служыць стралком у батальёне 283-га палка 144-й гвардзейскай мотастралковай дывізіі. Гэта злучэнне ўваходзіць у склад 20-й гвардзейскай агульнавайсковай арміі Заходняй ваеннай акругі.

Каментары16

  • Ёсік
    19.06.2023
    Штраф невялікі? Гэта п'янаму за стырном далі невялікі штраф? Я на паркоўцы трошку зачапіў дзьверы стаячага аўто, дык далі 10 б.в. А тутака, разумею, 0,5 б.в., ды яшчэ выбачаліся. У якое гаўно ты, лукашэнка, краіну абмакнуў. Як на гэтыя заляцаньні перад расейцамі брыдка глядзець. То самаход з ракетай, то п'яны кіроўца, то папы, зьбіраючыя грошы для расейскіх забойцаў славянскага народу. Якая поскудзь адбываецца ў Беларусі, жах.
  • Mafkees
    19.06.2023
    Калі ты п'яны сеў за стырно, цябе не выратуе ніякая налепка на шкле

    Лукашэнковские блюстители, вы клоуны
  • 43
    19.06.2023
    Што, менты, уцерліся? Рыхтуйцеся да звальнення

Цяпер чытаюць

У Беларусі крытычна падае нараджальнасць. А як у суседніх краінах?

У Беларусі крытычна падае нараджальнасць. А як у суседніх краінах?

Усе навіны →
Усе навіны

У Беларусі прыдумалі сырнае марожанае1

Рыбак на Прыпяці выцягнуў таўсталобіка вагой за 25 кілаграм2

Украіна атакавала вайсковы завод у Чувашыі1

Ці можна есці прарослую бульбу, цыбулю і часнок?3

Дыпламатычны дарадца Ціханоўскай расказаў, навошта яму званіў Борыс Джонсан4

ДАІ будзе выкарыстоўваць новыя камеры ў Мінску — для кантролю спынення і стаянкі1

Мінскую Серабранку чакаюць маштабныя змены3

Экс-палітвязень расказаў, як атрымаў мікраінфаркт падчас суда1

Мужчыну забіла маланка ў Столінскім раёне

больш чытаных навін
больш лайканых навін

У Беларусі крытычна падае нараджальнасць. А як у суседніх краінах?

У Беларусі крытычна падае нараджальнасць. А як у суседніх краінах?

Галоўнае
Усе навіны →

Заўвага:

 

 

 

 

Закрыць Паведаміць