Кіраўнік Рады бяспекі Украіны не выключыў удзелу Лукашэнкі ў мірных перамовах
Сакратар Рады нацбяспекі і абароны Украіны Аляксей Данілаў дапусціў, што Аляксандр Лукашэнка можа ўзяць удзел у перамовах па ўрэгуляванні канфлікту ва Украіне. Пра гэта ён напісаў у фэйсбуку.
«Сапраўдная група расійскіх будучых перамоўшчыкаў з Украінай ужо ёсць, але пакуль яна застаецца ў цені, аднак не выключаны ўдзел у гэтым працэсе Лукашэнкі», — напісаў ён на сваёй старонцы.
Данілаў таксама выказаў меркаванне, што «бунт» Прыгожына — першы этап дэмантажу пуцінскай сістэмы.
Паводле яго, Прыгожын — гэта толькі частка групы і частка плана, вяршыня айсберга працэсу дэстабілізацыі. Данілаў сцвярджае, што ў Расіі сфармавалася група незадаволеных сілавікоў, чыноўнікаў і алігархаў, якія лічаць дзеянні Пуціна смяротна небяспечнымі для ўласных інтарэсаў і свайго існавання, пагрозай для Расіі.
«Рэжыму Пуціна «нажом у спіну» нанесены калі не імгненна смяротны, але дакладна непазбежны, хоць і адтэрмінаваны ў часе ўдар», — напісаў Данілаў.
Ён дадаў, што «казус Прыгожына» можа запусціць працэсы з непрадказальнымі наступствамі.
Учора стала вядома, што дамовіцца з вагнераўцамі, спыніць іх паход на Маскву дапамог Аляксандр Лукашэнка.
Цяпер чытаюць
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы9
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары