Палітзняволеную Паліну Шарэнду-Панасюк везлі з калоніі ў СІЗА на Валадарскага 18 сутак
Увесь гэты доўгі і цяжкі час родныя нічога не ведалі, што з Палінай, як кажа муж Андрэй Шарэнда.
«Пазаўчора нам паведамілі, што Паліна нарэшце прыехала на Валадарку, але канчатковым пунктам яе прыезду павінна стаць судова-псіхіятрычная экспертыза, якая будзе праводзіцца ў цэнтры ў Навінках. Калі Паліна нарэшце трапіць туды, невядома, але, хутчэй за ўсё, на гэтым тыдні», — сказаў яе муж «Радыё Рацыі».
У «Навінкі» яе накіравалі пасля адмовы ад беларускага грамадзянства. Паводле Андрэя Шарэнды, Паліне паспрабавалі перадаць перадачу на Валадарку, але яе не прынялі. Гэта сведчыць пра далейшыя здзекі з Паліны і яе поўную ізаляцыю ад навакольнага свету.
Паліну Шарэнду-Панасюк затрымалі на пачатку студзеня 2021 года і затым асудзілі на два гады пазбаўлення волі, абвінаваціўшы ва ўжыванні гвалту ў дачыненні да міліцыянтаў і іх абразе, а таксама ў абразе Аляксандра Лукашэнкі. На волю яна павінна была выйсці летам.
Але ў мінулым годзе яе асудзілі па арт. 411 КК да яшчэ аднаго года калоніі. У красавіку 2023 года супраць яе завялі ўжо новую справу — за «злоснае непадпарадкаванне адміністрацыі калоніі».
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі22
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары