Элтан Джон скончыў развітальны гастрольны тур — ён расцягнуўся на 5 гадоў
Элтан Джон афіцыйна завяршыў сваё сусветнае турнэ Farewell Yellow Brick Road. Яно ўключала 333 канцэрты і доўжылася амаль пяць гадоў, як піша NME.
«У мяне была самая выдатная кар'ера… Неймаверна», — сказаў Джон (цытата паводле Rolling Stone).
«Пяцьдзясят гадоў чыстай асалоды музыкай… Наколькі мне пашанцавала? […] Вы купілі сінглы, кампакт-дыскі, альбомы, касеты… Што яшчэ больш важна, вы купілі квіткі на канцэрты. Вы ведаеце, як моцна я люблю граць ужывую. Граць для вас было сэнсам майго жыцця. Вы былі проста цудоўныя», — сказаў ён на канцэрце ў Стакгольме ў суботу ўвечары.
Апошняй выкананай са сцэны песняй стала Goodbye Yellow Brick Road.
Goodbye Yellow Brick Road выпусцілі ў 1973 годзе, яна паслужыла адначасова другім сінглам і загалоўным трэкам сёмага студыйнага альбома Джона. За апошнія 50 гадоў Джон выканаў гэтую песню ўжывую прыкладна 1475 разоў (па падліках setlist.fm).
Чаму тур быў такім доўгім? Элтан Джон пачаў яго ў верасні 2018 года ў Алентаўне, штат Пенсільванія. Тур працягваўся па Паўночнай Амерыцы, Еўропе, Аўстраліі і Новай Зеландыі да сакавіка 2020 года, пасля чаго быў адкладзены амаль на два гады як праз пандэмію COVID-19, так і праз траўму сцягна, пасля якой Джону спатрэбілася аперацыя, каб аднавіцца.
Тур аднавіўся ў студзені 2022 года ў Новым Арлеане.
У маі 2023 года тур быў афіцыйна прызнаны самым касавым сусветным турам усіх часоў.
Цікава, што ў 1979 годзе Элтан Джон наведваў футбольны матч паміж мінскім «Дынама» і ЦСКА, які праходзіў у Маскве.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары