Ełtan Džon skončyŭ raźvitalny hastrolny tur — jon raściahnuŭsia na 5 hadoŭ
Ełtan Džon aficyjna zaviaršyŭ svajo suśvietnaje turne Farewell Yellow Brick Road. Jano ŭklučała 333 kancerty i doŭžyłasia amal piać hadoŭ, jak piša NME.
«U mianie była samaja vydatnaja karjera… Niejmavierna», — skazaŭ Džon (cytata pavodle Rolling Stone).
«Piaćdziasiat hadoŭ čystaj asałody muzykaj… Nakolki mnie pašancavała? […] Vy kupili sinhły, kampakt-dyski, albomy, kasiety… Što jašče bolš važna, vy kupili kvitki na kancerty. Vy viedajecie, jak mocna ja lublu hrać užyvuju. Hrać dla vas było sensam majho žyćcia. Vy byli prosta cudoŭnyja», — skazaŭ jon na kancercie ŭ Stakholmie ŭ subotu ŭviečary.
Apošniaj vykananaj sa sceny pieśniaj stała Goodbye Yellow Brick Road.
Goodbye Yellow Brick Road vypuścili ŭ 1973 hodzie, jana pasłužyła adnačasova druhim sinhłam i zahałoŭnym trekam siomaha studyjnaha alboma Džona. Za apošnija 50 hadoŭ Džon vykanaŭ hetuju pieśniu ŭžyvuju prykładna 1475 razoŭ (pa padlikach setlist.fm).
Čamu tur byŭ takim doŭhim? Ełtan Džon pačaŭ jaho ŭ vieraśni 2018 hoda ŭ Alentaŭnie, štat Piensilvanija. Tur praciahvaŭsia pa Paŭnočnaj Amierycy, Jeŭropie, Aŭstralii i Novaj Ziełandyi da sakavika 2020 hoda, paśla čaho byŭ adkładzieny amal na dva hady jak praz pandemiju COVID-19, tak i praz traŭmu ściahna, paśla jakoj Džonu spatrebiłasia apieracyja, kab adnavicca.
Tur adnaviŭsia ŭ studzieni 2022 hoda ŭ Novym Arleanie.
U mai 2023 hoda tur byŭ aficyjna pryznany samym kasavym suśvietnym turam usich časoŭ.
Cikava, što ŭ 1979 hodzie Ełtan Džon naviedvaŭ futbolny matč pamiž minskim «Dynama» i CSKA, jaki prachodziŭ u Maskvie.
Ciapier čytajuć
Navukoviec raspavioŭ pra hieałahičnyja zahadki Biełarusi: rtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ
Kamientary