Група беларускіх альпіністаў запрасіла дапамогу пры спуску з Эльбруса
Ратавальнікі МНС Расіі 11 ліпеня рушылі на дапамогу групе турыстаў у Кабардзіна-Балкарыі. Пра гэта паведаміла прэс-служба ведамства.
Двум удзельнікам групы з пяці пры спуску з гары Эльбрус на вышыні 5300 метраў стала дрэнна. МНС па Кабардзіна-Балкарыі перадае, што ўсе пяцёра турыстаў — грамадзяне Беларусі.
«Па стане на 20:45 турыстычная група працягвае спуск з гары. Маецца сувязь з групай… Арыенціровачны час прыбыцця ратавальнікаў — праз 1,5−2 гадзіны», — паведамілі ў МНС Кабардзіна-Балкарыі ў 22:04.
На месца ідзе восем спецыялістаў Эльбрускага высакагорнага пошукава-выратавальнага атрада МНС Расіі. Ратавальнікі трымаюць сувязь з тургрупай. Па меры магчымасці вандроўнікі спускаюцца самі.
Падобны выпадак адбыўся 23 мая. Тады з групай беларускіх турыстаў прапала сувязь, але праз дзень іх знайшлі на вышыні 3800 метраў і эвакуявалі верталётам.
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе31
Каментары