«Працаздольнасці Гарбацэвіча можна толькі пазайздросціць». Слуцкая раёнка пахваліла «Нашу Ніву»
У Слуцкім раёне ёсць сельскагаспадарчае прадпрыемства «Наша Ніва», якое з'яўляецца падсобным для Слуцкага мясакамбіната. Паводле паведамлення раённай газеты «Слуцкі край», справы ў «Нашай Нівы» ідуць няблага. Тут ужо справіліся з уборкай азімых рапсу і ячменю, а цяпер з тым жа імпэтам узяліся за азімую пшаніцу.
Сярод супрацоўнікаў «Нашай Нівы» вылучаецца Мікалай Гарбацэвіч, які працуе кіроўцам і цяпер адвозіць збожжа ад камбайнаў. Кажуць, што ўжо чатыры сезоны запар ён сярод лідараў жніва з вынікам больш як дзве тысячы тон збожжа.
Летась Гарбацэвіч быў першым тысячнікам у раёне, а ў гэтым ужо перавёз 1 400 тон збожжа.
Працаздольнасці Гарбацэвіча, як адзначаюць ягоныя калегі, можна толькі пазайздросціць.
У мінулыя гады, кажуць, ён шчыраваў цэлымі суткамі. Адгараваўшы дзень у полі, не кідаў руля і ў начную змену: адвозіў дапрацаванае на КЗСе збожжа на склады.
Ці такі самы рэжым у Гарбацэвіча і сёлета, раённыя журналісты не пішуць, але ўдзень ён працуе па-ранейшаму спраўна.
Як ён сам кажа: «За дзень, калі стаіць добрае надвор'е, паспяваю зрабіць па 10 рэйсаў, кожны каля 12-ці тон».
Тым больш што ў поле Гарбацэвічу, як і іншым работнікам, прывозяць двухразовае гарачае харчаванне. А калі хто працуе начамі, то можа разлічваць і на вячэру.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый2
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1111
Каментары
але калі Ты Грышу пахваліць маво?