Еўрасаюз нібыта можа змякчыць санкцыі супраць беларускага калію з-за лабізму некалькіх краін, выказаў спадзяванне бразільскі пасол у Беларусі Бернард Жорг Леапольд дэ Гарсія Клінгл, выступаючы на канале «Беларусь 1». Дыпламат адзначыў, што Бразілія спрабуе абысці абмежаванні, уведзеныя супраць калійнай галіны.
«Мы размаўляем з Еўрапейскім саюзам і ЗША, каб данесці да іх усю складанасць і далікатнасць гэтай сітуацыі.
Бразілія з'яўляецца чацвёртым у свеце вытворцам сельскагаспадарчай прадукцыі. Для многіх іншых краін пастаўкі калійных угнаенняў таксама маюць вялікае значэнне. Таму вельмі важна захаваць каналы паставак, каб забяспечыць харчовую бяспеку, узяць пад кантроль інфляцыю і не дапусціць росту цэн.
Іншы напрамак нашых намаганняў — гэта вырашэнне пытанняў, якія тычацца аплаты паставак прадукцыі. Лагістычныя пытанні зараз не так востра стаяць. Прадукцыя з Беларусі можа перавозіцца праз расійскія парты.
Цяпер, вядома, мы бачым цяжкасці з-за таго, што Беларусь пад санкцыямі. Мы робім усё магчымае, каб абысці гэтыя перашкоды і выйсці на належны ўзровень гандлю», — адзначыў пасол.
Раней неаднаразова паведамлялася, што Еўрасаюз можа змякчыць санкцыі супраць беларускага калію з-за лабізму некалькіх краін, у тым ліку Партугаліі, якая ў гэтым пытанні прадстаўляе інтарэсы Бразіліі.
Цяпер чытаюць
«Гэтая партыя прайграная». Беларускія даследчыкі — пра тое, у што ператварылася Акадэмія навук1
«Гэтая партыя прайграная». Беларускія даследчыкі — пра тое, у што ператварылася Акадэмія навук
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары