Мітрапаліт Веніямін заявіў, што прыкрываючыся лозунгамі дэмакратыі, Захад заахвочвае «нацысцкі рэжым»
Раней з ідэнтычным сцвярджэннем выступіў генерал Вальфовіч, дзяржаўны сакратар Рады бяспекі.
Прыкрываючыся лозунгамі дэмакратыі, Захад заахвочвае сучасны нацысцкі рэжым, заявіў мітрапаліт Мінскі і Заслаўскі Веніямін, Патрыяршы Экзарх усяе Беларусі падчас II Міжнароднага «антыфашысцкага» кангрэса, піша БелТА.
«На жаль, чарговы раз чалавецтва сутыкнулася з сітуацыяй неабходнасці барацьбы з фашызмам. Чаму так склалася? Чаму аказаліся забытыя жахі і пакуты Другой сусветнай вайны, якая прынесла чалавецтву ідэалогію нянавісці, нацыянальнай і расавай перавагі? Чаму чалавецтва не засвоіла самых страшных урокаў гісторыі? Чаму паўсталі правалы ў памяці ў многіх народаў? Адказ досыць просты — бо, штучна прыкрываючыся лозунгамі дэмакратыі, правоў чалавека, заахвочваецца сучасны нацысцкі рэжым, у тым ліку і ва Украіне», — сказаў мітрапаліт Веніямін.
Паводле яго слоў, усім краінам і народам трэба аб'яднацца ў барацьбе з гэтай небяспекай. Пры гэтым асаблівую ўвагу неабходна надаць пытанням патрыятычнага выхавання насельніцтва.
«Безадказныя сілы ў свеце робяць усё, каб сітуацыю ва Украіне перавесці ў плоскасць рэальнай вайны Захаду з Расіяй і Беларуссю. Наш клопат — не дапусціць гэтага», — падкрэсліў мітрапаліт Веніямін.
Раней сёння з амаль ідэнтычным сцвярджэннем выступіў генерал Аляксандр Вальфовіч, дзяржаўны сакратар Рады бяспекі.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2121
Каментары
Ну щас свой))) незнаю что ядронее
Пора видеть бревна в своем глазу…