Астраномы папярэдзілі пра ўнікальную блакітную суперпоўню. Яе будуць бачыць і беларусы
На гэтым тыдні беларусы змогуць назіраць у небе самы вялікі і самы яркі Месяц 2023 года. Як растлумачылі астраномы, трэцяя з чатырох поўня гэтага сезона — унікальная блакітная суперпоўня.
Па інфармацыі партала Space.com, незвычайны выгляд натуральны спадарожнік Зямлі набудзе ў ноч на сераду, 30 жніўня. Як растлумачылі спецыялісты, гэтая поўня акажацца адметнай адразу з некалькіх прычын.
Па-першае, 30 жніўня будзе не проста поўня, а так званы Блакітны Месяц. Але, нягледзячы на такую назву, спадарожнік Зямлі не будзе афарбаваны ў сіні або блакітны колер. Такая назва абумоўленая не зменай колеру Месяца, а рэдкасцю самой астранамічнай з'явы.
Астраномы называюць блакітнай кожную трэцюю поўню з чатырох у адным астранамічным сезоне альбо другую поўню ў каляндарным месяцы. Такім чынам, гэта не нейкая асаблівая астранамічная з'ява, а ў большай ступені вынік неадпаведнасці каляндарнага года месяцоваму.
Статыстычна Блакітны Месяц — не такая ўжо і рэдкая астранамічная з'ява. Яна здараецца кожныя два-тры гады. Мінулы Блакітны Месяц можна было назіраць у жніўні 2021 года, а наступнага прыйдзецца чакаць да жніўня 2024-га.
Другой характэрнай асаблівасцю такой поўні будзе тое, што яна супадзе з перыгеем — пунктам арбіты, калі спадарожнік набліжаецца да Зямлі на максімальна блізкую адлегласць.
Такім чынам, Блакітны Месяц будзе яшчэ і суперпоўняй, і для назіральнікаў з Зямлі ён будзе здавацца прыкладна на 7% большым і ярчэйшым за звычайны.
Па-трэцяе, астраномы папярэдзілі, што да будучага Блакітнага Месяца таксама далучыцца яркі кальцавы газавы гігант Сатурн. У краінах Паўночнага паўшар'я, да якіх адносіцца і Беларусь, убачыць гэтую планету можна будзе, арыентуючыся на зорным небе на сузор'е Вадалея — крыху вышэй і правей Месяца.
Незвычайную яркасць Сатурну на зорным небе нададуць адбітыя сонечныя прамяні — 30 жніўня планета будзе размяшчацца проста насупраць Сонца.
Такім чынам, калі ўмовы надвор'я будуць спрыяльнымі, у беларусаў з'явіцца выдатная магчымасць не толькі паназіраць за незвычайна яркімі касмічнымі аб'ектамі, але і зрабіць прыгожыя фота.
У жніўні жыхары Зямлі пабачаць дзве суперпоўні. Першая — ужо заўтра
«Калі гэта не самая прыгожая з'ява на свеце, то што тады яшчэ прыгажэй?» ФОТЫ паўночнага ззяння апублікаваў і сапраўдны майстар фотаў зорнага неба
Збіты NASA з арбіты астэроід пачаў крышыцца на часткі. Але гэта было вельмі дарагое задавальненне
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка10
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары
нааа
га лу бааа я
он так пел
так старался
(забыла кто)
но он умер