Міністр замежных спраў Беларусі Сяргей Алейнік правёў учора сустрэчу з паслом Дамініканскай Рэспублікі ў Беларусі Франкам Хансам Даненбергам Кастэльянасам з нагоды завяршэння яго дыпламатычнай місіі, паведамляе БелТА.
Бакі абмеркавалі канкрэтныя крокі наконт пашырэння і паглыблення беларуска-дамініканскага супрацоўніцтва ў палітычнай, гандлёва-эканамічнай сферах, у тым ліку па лініі прамысловасці і сельскай гаспадаркі. Яшчэ адна тэма — максімальнае выкарыстанне патэнцыялу ўзаемадзеяння ў галіне турызму, адукацыі і інфармацыйных тэхналогій, гаворыцца ў паведамленні.
Алейнік і Даненберг Кастэльянас абмеркавалі падрыхтоўку да падпісання пагаднення аб адмене віз.
Дамініканская Рэспубліка (Дамінікана) — адна з найбуйнейшых дзяржаў у Карыбскім моры, знаходзіцца на востраве Гаіці і займае 64 працэнты яе тэрыторыі. Менавіта востраў Гаіці адкрыў першым з буйных астравоў у 1492 годзе Хрыстафор Калумб. Насельніцтва дзяржавы краіны — 10,5 млн чалавек, дзяржаўная мова, натуральна, іспанская.
Адна з крыніц даходаў менавіта турызм. Пытанне толькі ў тым, як туды дабрацца з Беларусі пры закрытым небе над Еўропай.
Цяпер чытаюць
Сёстры Груздзевы драматычна расказалі, як іх выкінуў за дзверы міністр культуры Руслан Чарнецкі. «Як сабак»16
Каментары