У Брэсцкай крэпасці зменяць гістарычную планіроўку і зменшаць ахоўную зону
Міністэрства культуры прыняло пастанову, якая змяншае плошчу аховы ландшафту каля Брэсцкай крэпасці і на тэрыторыі Брэста. Зроблена гэта дзеля будаўніцтва «Рэспубліканскага цэнтра патрыятычнага выхавання моладзі», піша «Ганцавіцкі час».
У Брэсцкай крэпасці зменяць гістарычную планіроўку і зменшаць ахоўную зону. Гэта прадугледжана пастановай Міністэрства культуры Беларусі №113 ад 22 жніўня 2023 года.
Дакумент змяняе зону аховы матэрыяльных гісторыка-культурных каштоўнасцяў на тэрыторыі Брэсцкай крэпасці і ў Брэсце. Плошча зоны аховы ландшафту будзе зменшана з 67,6 да 64,6 гектара. Таксама ўнесеныя выключэнні ў забароны, якімі абмяжоўваюць будаўніцтва і змяненне планіроўкі.
Мінкульт дазволіў рэканструкцыю будынка кухні-сталовай з павелічэннем плошчы забудовы. А яшчэ дазволена змяненне гістарычнай планіровачнай структуры для «будаўніцтва інжынерна-транспартнай інфраструктуры з прымяненнем сучасных і захаваннем існуючых гістарычных пакрыццяў, неабходнай для функцыянавання ўстановы «Рэспубліканскі цэнтр патрыятычнага выхавання моладзі».
«Цэнтр патрыятычнага выхавання моладзі» павінен з’явіцца ў Кобрынскім умацаванні Брэсцкай крэпасці. Гэты аб’ект абвясцілі «Усебеларускай маладзёжнай будоўляй».
У новым цэнтры мусіць круглы год «праходзіць працэс па грамадзянска-патрыятычным, ваенна-патрыятычным выхаванні навучэнцаў школ». Паводле інфармацыі Міністэрства абароны, плануецца рэканструкцыя будынкаў і збудаванняў на тэрыторыі Кобрынскага ўмацавання.
Спраектаваў новы комплекс «Ваенпраект»: план прадугледжвае аднаўленне казармаў плошчай больш за дзве тысячы квадратных метраў. Для пражывання выхаванцаў будуць абсталяваныя інтэрнаты: адзін разлічаны на 38 дзяўчынак, другі — на 196 хлопчыкаў.
У летні час на спецыяльна абсталяванай пляцоўцы будзе разгортвацца намётавае мястэчка на 200 чалавек. Адрамантаваныя казематы стануць вучэбным корпусам.
Цяпер чытаюць
«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў1
Каментары