Ён ведаў, што маці трымае грошы ў шафе.
Фота: «Наша Ніва»
У канцы жніўня мужчына, які жыве разам са сваёй 85-гадовай маці, вырашыў яе абакрасці. Ён ведаў, што жанчына ўсе свае зберажэнні захоўвае ў шафе. Сын скарыстаўся момантам і забраў 1200 рублёў, якія сабрала жанчына, і частку патраціў, як паведамляе абласная міліцыя.
У нейкі момант жанчына заўважыла, што яе зберажэнні зніклі. Яна адразу здагадалася, хто датычны да крадзяжу, і патэлефанавала ў міліцыю.
Мужчыну затрымалі і канфіскавалі частку грошай. Заведзена крымінальная справа за крадзеж, учынены паўторна.
Каментары