Свет1111

Ілан Маск планаваў ляцець на Марс на расійскіх ракетах, але здзелка з Масквой з трэскам сарвалася

Усяму віной моцны перабор з алкаголем і не толькі.

Ілан Маск. Фота: Bloomberg / Contributor Getty Images

Падчас свайго наведвання Расіі Ілан Маск ад алкаголю страціў прытомнасць і праваліў здзелку па касмічных ракетах для сваёй марсіянскай місіі. Пра гэта 12 верасня расказала выданне Business Insider са спасылкай на новую кніжную біяграфію Маска.

Паводле аднаго з эпізодаў біяграфіі, яшчэ ў пачатку 2000-х перад стварэннем кампаніі SpaceX Ілан Маск хацеў закупіць расійскія ракеты для будучай касмічнай місіі на Марс пад назвай «Марсіянскі аазіс», таму вырашыў наведаць Маскву для адпаведных перамоў. 

Само падарожжа ўключала прыпынак у Парыжы, дзе мільярдэр зладзіў начную вечарынку і паспеў моцна набрацца алкаголем. Затым у Маскве гэтая справа пайшла яшчэ далей.

«Прыбыўшы ў Маскву, Ілан Маск са сваёй камандай пайшлі ў рэстаран, дзе была прызначаная сустрэча з расійскімі прадпрымальнікамі наконт пытання набыцця ракет. Там было шмат гарэлкі, і мільярдэру «ў якасці жэста гасціннасці» падарылі тры бутэлькі спіртнога, падчас распівання якіх Маск страціў прытомнасць і стукнуўся галавой аб стол.

Потым была яшчэ адна няўдалая сустрэча, пасля якой Маск канчаткова з'ехаў з Расіі ні з чым», — піша Business Insider са спасылкай на новую біяграфію Маска.

У біяграфіі пры гэтым адзначана, што Маск не сышоўся са сваімі расійскімі партнёрамі ў цане, бо разлічваў купіць адразу дзве ракеты «Днепр» за 18 мільёнаў даляраў, што не спадабалася расіянам, якія хацелі прадаць ракеты па 18 мільёнаў кожную. 

«Калі Маск адмовіўся ісці на такія ўмовы, расіяне адразу паднялі цану да 21 мільёна даляраў за кожную ракету. У дадатак да гэтага расіяне паздзекаваліся з бізнэсмена словамі: «Ой, у маленькага хлопчыка не хапае грошай?» Пасля гэтых слоў Маск спыніў перамовы і з'ехаў», — гаворыцца ў біяграфіі мільярдэра.

Нагадаем, што новая біяграфія Ілана Маска аўтарства Уолтэра Айзексана таксама раскрыла дэталі адной з вайсковых аперацый Украіны супраць расійскага флоту ў Крыме ў 2022 годзе. Згодна з апісаным эпізодам біяграфіі, Маск тады сарваў гэтую аперацыю, адключыўшы ўкраінцам высакаякасную спадарожнікавую інтэрнэт-сувязь Starlink, бо баяўся пачатку трэцяй сусветнай вайны. Сам Маск, праўда, заявіў, што не блакаваў УСУ доступ да Starlink у раёне Крыма. Па ягоных словах, сістэма ад пачатку там не працавала.

Каментары11

  • Колькі можна
    12.09.2023
    Такое адчуванне, што нехта адпрацоўвае замову на Маска.
  • Ваня
    12.09.2023
    Траур, Маск побывали в Москве, водка девочки, мальчики....компромат...теперь путину вынуждены подыгрывать
  • Бобр
    12.09.2023
    Что то последнее время НН топит Илона. Представляет Маска как гения выбирающего случайные решения
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Загінуў 20-гадовы кобрынскі блогер3

Загінуў 20-гадовы кобрынскі блогер

Усе навіны →
Усе навіны

Рубіа: Наступны тыдзень стане крытычным для дасягнення міру ва Украіне16

Парашутыстка захрасла на дрэве ў Маларыцкім раёне4

Віла нацысцкага злачынцы Германа Гёрынга прадаецца за 18 мільёнаў еўра1

Праз «пагрозу жыццю і здароўю грамадзян». У Мінску да канца года перакрыюць вуліцу Галадзеда

Марына Ментусава расказала, чаму разышлася з мужам13

Мінабароны Беларусі закупіць беспілотнікаў на 3,3 мільёна даляраў5

Адну з найвялікшых сінагог Беларусі прадаюць у Кобрыне

Той рэдкі выпадак, калі Лукашэнка сказаў праўду23

Былы беларускі футбаліст прыняў сан ксяндза1

больш чытаных навін
больш лайканых навін

Загінуў 20-гадовы кобрынскі блогер3

Загінуў 20-гадовы кобрынскі блогер

Галоўнае
Усе навіны →

Заўвага:

 

 

 

 

Закрыць Паведаміць