Грамадства3030

Затрымалі хлопца, які напісаў у твітары «фу, са мной у трэнажорцы Азаронак». Той прыйшоў да затрыманага ў ГУБАЗіК, каб паглуміцца

Нядаўна хлопец вярнуўся з Еўропы, цяпер супраць яго завялі крымінальныя справы.

Андрэй Гурэўскі. Фота: ягоны інстаграм

Затрыманага хлопца, калі верыць сацсеткам, зваць Андрэй Гурэўскі (спачатку ягоныя старонкі былі на прозвішчы «Пацэвіч»). Яму 24 гады і родам ён з Наваполацка. Вучыўся ў Беларускім дзяржаўным эканамічным універсітэце.

Тры дні таму хлопец напісаў у сваім твітары: «Фу, Божа, са мной у трэнажорцы Азаронак». Гэты твіт шырока разышоўся.

Азаронак ходзіць у залу Gym24, якая знаходзіцца каля «Белай Вежы» ў Мінску.

Імаверна, Андрэя затрымалі на наступны дзень, 11 верасня.

Скрыншот з канала Рыгора Азаронка

Пасля затрымання хлопца ГУБАЗіКам Азаронка адмыслова выклікалі да затрыманага, які сядзеў у наручніках, каб паглуміцца.

«Фу, са мной побач змагар», — пачынае Азаронак гутарку. Пасля гэтага ён пачаў чытаць Андрэю «пацанскую мараль»: маўляў, трэба было падыходзіць і казаць у твар. Насамрэч, Азаронак даносіць на тых, хто яму нешта кажа ў твар ці чапляе яго. Вялікую вядомасць атрымаў суд над 48-гадовай перакладчыцай Вольгай Калацкай, якая дала яму дзве аплявухі за яго правакацыйныя паводзіны, што, як гаварылася ў абвінавачанні, «прычыніла яму фізічны боль».

Андрэй Гурэўскі і Рыгор Азаронак у кабінеце ГУБАЗіКа. Фота: тэлеграм-канал ГУБАЗіКа

Паведамляецца, што супраць хлопца завялі крымінальную справу за тое, што ён нібыта пісаў у боты «Нехты» і «Беларусі галаўнога мозга». Цяжка сказаць, ці гэта праўда, ці фальсіфікацыя палітычнай паліцыі. 

На камеру Гурэўскага ставілі на калені. А Азаронак падарыў яму кнігу Дастаеўскага, пажадаўшы стаць «манархістам і добрым чалавекам пасля катаргі».

«Наша Нiва» — бастыён беларушчыны

ПАДТРЫМАЦЬ

Каментары30

  • Лёлік з-пад Лімасола
    13.09.2023
    азаронак зарабляя сабя не на добны канец такім чынам
  • No
    13.09.2023
    Калі лукашызму прыйдзе канец (а ён прыдзе), то я не думаю што гэта тоўстая гаўклівая істота будзе існаваць.


  • Стыд-срам
    13.09.2023
    Азаренок ходит в зал с таким буржуйским названием? Совсем непоследовательным стал. Как его нога могла ступить во что-то кроме "Президентский Гимнастический зал № 1" имени его Президента.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55

Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!

Усе навіны →
Усе навіны

У гатэлі Анкорыджа амерыканцы забыліся дакументы, датычныя саміту Трампа і Пуціна10

Мелоні паведаміла, што Трамп гатовы даць Украіне гарантыі бяспекі па мадэлі НАТА16

10-гадовая брытанка стала наймалодшай дзяўчынкай, якая перамагла шахматнага гросмайстра5

Мерц расказаў пра «вялікі прагрэс» пасля сустрэчы Трампа і Пуціна6

Паветраная гімнастка паказала закуліссе працы ў Белдзяржцырку10

Кітай паабяцаў Трампу не нападаць на Тайвань, пакуль ён пры ўладзе4

Краіны Афрыкі патрабуюць адмовіцца ад праекцыі Меркатара17

На месцы швейнай фабрыкі «Алеся» ў Мінску пабудуюць жылыя дамы1

Мелказёраў у захапленні ад Насты Роўды: «Гэта прагрэс сезона»9

больш чытаных навін
больш лайканых навін

Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55

Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!

Галоўнае
Усе навіны →

Заўвага:

 

 

 

 

Закрыць Паведаміць