Як мінімум шэсць чалавек затрымалі ў Брагіне, Хойніках і Камарыне
Сілавікі зрабілі справаздачу аб затрыманні як мінімум шасці чалавек у Брагіне, Хойніках і Камарыне на паўднёвым усходзе Гомельскай вобласці. Відэа з затрыманымі апублікаваў адзін з мясцовых праўладных каналаў, піша «Медыязона».
Фота ілюстрацыйнае
Як сцвярджаюць аўтары канала, усіх затрыманых абвінавачваюць па адміністрацыйным артыкуле аб распаўсюдзе «экстрэмісцкіх» матэрыялаў (артыкул 19.11 КаАП). На відэа затрыманыя кажуць, што былі падпісаныя на «экстрэмісцкія» тэлеграм-каналы і старонкі ў «Аднакласніках».
За падпіскі людзей затрымлівалі супрацоўнікі АМАПа са зброяй і ў экіпіроўцы. Некаторых затрыманых, мяркуючы з відэа, прымушалі легчы тварам у падлогу, у машыну сілавікоў іх выводзілі ў кайданках з рукамі за спінай.
Каментары