Грамадства1515

«Вот и лес, и опушка, а за ней деревушка…» Рэпер Сярога напісаў песню пра спаленую вёску

Спявак Сяргей Пархоменка, вядомы таксама як рэпер Сярога, напісаў песню пра спаленую нямецкімі нацыстамі падчас Другой сусветнай вайны вёску Ала ў Светлагорскім раёне, паведамляе БелТА.

Сяргей Пархоменка (Сярога)

Вёска Ала была спаленая разам з людзьмі 14 студзеня 1944 года. Тут было загублена 1758 жыццяў, уключаючы 950 дзяцей. У 2024-м споўніцца 80 гадоў з дня гэтай трагедыі, і да гэтай даты спявак Сярога, які пасля 2020 года стаў на пазіцыі выразнай і ўсебаковай падтрымкі рэжыму Лукашэнкі, напісаў адмысловую песню.

Прытым ён сам не хавае таго, што ягоная песня з'явілася не так сабе, а ў працэсе ідэалагічнага змагання, бо, маўляў, «сёння з дапамогай інструментаў прапаганды з боку іншых дзяржаў спрабуюць перапраграмаваць свядомасць людзей», і ягоная песня — «адна з формаў абароны гістарычнай праўды». 

«Каб у свядомасць урэзаўся нейкі вобраз, які будзе лячыць чалавека, які будзе цверазіць чалавека, які будзе накіроўваць чалавека, патрэбна нейкая культурная форма. Фільм, верш, песня», — падкрэсліў Пархоменка.

Кампазіцыя, як мяркуецца, будзе выканана ў сольным і харавым варыянтах, а выконваць яе будуць дзеці.

«Вот и лес, и опушка, а за ней деревушка… слышны крики и стоны людей…», — цытуюцца радкі з гэтай песні.

Эксплуатацыя тэмы Другой сусветнай вайны заўсёды была характэрная для рэжыму Лукашэнкі, а ў апошнія тры гады яна ўвогуле стала ідэалагічным мэйнстрымам. Пастаянна крывадушна нагадваючы пра страты таго часу і замоўчваючы нязручныя для сябе аспекты, а нярэдка ідучы і на прамыя скажэнні ды фальсіфікацыі, лукашысцкія ідэолагі праводзяць зусім не адпаведныя рэчаіснасці паралелі з сучаснасцю.

Праз гэта яны імкнуцца дэманізаваць як сучасны заходні свет, так і ўнутраную нацыянальную апазіцыю, якую хлусліва і беспадстаўна прадстаўляюць як прадаўжальнікаў традыцый нямецкага нацызму. Адначасова тым самым як у сваіх вачах, так і ў вачах свету лукашысты імкнуцца апраўдаць сваю ўласную сённяшнюю бесчалавечнасць і злачыннасць. Новы твор Сяргея Пархоменкі цалкам укладаецца ў агульную ідэалагічную канву прыхільнікаў рэжыму. 

Каментары15

  • Алег
    19.09.2023
    Дупалiз.
  • Каўпак
    19.09.2023
    Калі пад час вайны арудаваў Каўпак, мая бабка ад "партызан" згубіла двух дзяцей. Так што небыліцы распавядайце каму хочаце (арудаваў Лоеўскі, Брагінскі, Хвойніцкі раёны, яшчэ ў Украіне але гэта ня нашая гісторыя. Агулам большасьць карных (дакладней калабарацыйных структур) складалася з былых грамадзян СРСР, трапіўшых у палон. Таму казкі пра нацыстаў мы яшчэ доўга будзем чуць покуль не адкрыюць архівы КДБ.
  • Грошы не пахнуць
    19.09.2023
    Ня дзіва што ад такога сьлізняка жонка зьбегла)))

Цяпер чытаюць

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыі14

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыі

Усе навіны →
Усе навіны

У чэрвені па ўсёй Беларусі будуць ладзіцца бясплатныя экскурсіі3

Улады рыхтуюцца нацыяналізаваць аўтамабільны завод «Юнісон»

Буры адказаў Азараву пра агента Мішчука: Ён ніколі не працаваў у АВВА і ні да якой сакрэтнай інфармацыі доступу не меў6

Ціханоўская падтрымала пазіцыю Зяленскага аб немагчымасці правядзення перамоў у Мінску10

У Літве высветлілі, што дапамогу, прызначаную бежанцам з Украіны, атрымлівалі і людзі з іншых краін. Сярод іх ёсць і беларусы1

Маці траіх дзяцей просіць Лукашэнку вярнуць іх з прытулку. Чыноўнікі патлумачылі, чаму ў яе не атрымалася

Іспанія дамагаецца прызнання каталонскай мовы ў ЕС: Брусэль тармозіць працэс

Журналісты атрымалі доступ да сакрэтных планаў расійскіх ядзерных вайсковых баз3

Трамп прапанаваў Канадзе доступ да абароны пад «Залатым купалам». Пры адной умове5

больш чытаных навін
больш лайканых навін

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыі14

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыі

Галоўнае
Усе навіны →

Заўвага:

 

 

 

 

Закрыць Паведаміць