Сяргей Белязека, беспрацоўны апазіцыйны актывіст, звярнуўся да Аляксандра Лукашэнкі па дазвол быць высланым за межы Беларусі на ўзор дысідэнтаў савецкага часу.
У пісьмовым звароце спадар Белязека абгрунтаваў сваё рашэнне тым, што ў Беларусі парушаюцца яго грамадзянскія правы. У прыватнасці, ён згадаў тое, што яго некалькі разоў затрымлівалі за ўдзел у апазіцыйных акцыях, а таксама праблемы з працаўладкаваннем. Юрыст паводле адукацыі, ён не можа ўладкавацца па спецыяльнасьці і мусіць перабівацца выпадковымі заробкамі.
З адміністрацыі прэзідэнта ліст Сяргея Белязекі скіравалі ў Міністэрства ўнутраных спраў. Начальнік Дэпартамента грамадзянства і міграцыі Аляксей Бягун адказаў заяўніку, што ў заканадаўстве Беларусі не прадугледжана адмова ад беларускага грамадзянства. З яго можна толькі выйсці, атрымаўшы грамадзянства іншай краіны, або страціць — калі чалавек паступае на вайсковую службу ў замежжы або працуе ў органах бяспекі ці юстыцыі іншай краіны.
Такіх перспектываў Сяргей Белязека не мае, а знайсці нармальную працу ў Беларусі лічыць бесперспектыўным.
Цяпер чытаюць
Лосік расказаў, як Бабарыку катавалі ў наваполацкай калоніі25
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары