Дачка «бацюшкі са свастыкай» вярнулася да бацькі, які яе разбэшчваў. І да яго поглядаў
Расіянін Канстанцін Бурыкін, вядомы беларусам як «бацюшка са свастыкай», пасля выхаду з калоніі выехаў у Расію і праслаўляе Кадырава з Пуціным. А вось дачка Аляксандра, якая давала паказанні на бацьку, даравала яму і вярнулася на неанацысцкія пазіцыі.
Былы настаяцель праваслаўнага прыхода ў Гатаве Канстанцін Бурыкін, вядомы як «бацюшка са свастыкай», пасля вызвалення з беларускай калоніі пачаў другое жыццё ў Расіі.
А ягоная дачка Аляксандра, якая засталася ў Беларусі, даравала бацьку тое, што ён з ёй рабіў, і вярнулася на палітычныя пазіцыі, блізкія да ягоных.
Чытайце таксама: Дачка Бурыкіна ў шоку ад яго вызвалення: Ён рана ці позна прыедзе і заб'е мяне
Нагадаем, што па сведчаннях дачкі Канстанціна Бурыкіна, ён ажыццяўляў з ёю дзеянні сэксуальнага характару. Пры гэтым Бурыкін прытрымліваўся нацысцкіх поглядаў — люстры дома ў яго былі ў форме свастык, аклады праваслаўных абразоў былі са свастык, на грудзях былі набіты свастыкі, а дома віселі маляваныя карціны яго самога ў форме СС.
«Наша Ніва» ў свой час зрабіла некалькі публікацый пра яго.
Чытайце таксама: «Расказала толькі маме, на яе магіле»: жудасная споведзь дачкі «бацюшкі са свастыкай» пра тое, што ён рабіў з ёй
Што ў сям'і адбываецца цяпер?
Пасля выхаду з беларускай калоніі Бурыкін вярнуўся ў Расію, адкуль ён родам.
Бурыкін забраў з сабой частку сям'і, актыўна вядзе сацсеткі — паставіў на аватарку ва «УКантакце» Z і посціць расійскую прапаганду. У тым ліку нахвальвае тыктокі байцоў Кадырава і яго самога.
На старонцы Бурыкіна пасля пачатку вайны рэгулярна з'яўляецца і ягоная дачка Аляксандра. Тая Аляксандра, якая ў 2019-м паспавядалася «Нашай Ніве», пакінуўшы краіну ў шоку, — яна заяўляла, што бацька з дзіцячага ўзросту ажыццяўляў з ёю дзеянні сэксуальнага характару. Часам на пару з мачахай.
Выглядае, што сама Аляксандра цяпер вярнулася і да палітычных поглядаў, уласцівых яе бацьку.
У сваіх сацсетках Бурыкіна цытуе Пуціна і пяе хваласпевы байцам ПВК «Вагнер». Працуе яна кельнеркай у адным з мінскіх бараў.
Свой тыкток-акаўнт яна назвала @black_mama88. Ці супадзенне гэта? «88» у колах неанацыстаў гэта адсылка да 8-й літары лацінскага алфавіта, «H», лічбавы знак вітання «Хайль Гітлер».
На адным з відэа яна апісвае гіпатэтычную сітуацыю, у якой наведвальнікі бара, дзе яна налівае, пачалі спрачацца пра палітыку, а яна «выклікала вагнераў».
Вяртанне да бацькі супала з тым, што Аляксандра стала мамай. Але ні на адным з яе тыкток-відэа няма бацькі дзіцяці.
Да бацькі ў Расію Аляксандра Бурыкіна ездзіць разам з дзіцём.
«Наша Нiва» — бастыён беларушчыны
ПАДТРЫМАЦЬЦяпер чытаюць
Што вядома пра затрыманых радыёаматараў, якім пагражае аж да расстрэлу16
Каментары
усё шо трэба ведаць пра адру і маскавітаў , там гэта норма : Дачка «папа са свастыкай» вярнулася да бацькі, які яе разбэшчваў. І да яго ФАШЫСТОЎСКІХ поглядаў
ЦІКАВА , калі ў іх з'явяцца дзеці , яны скажуць ім ix "Бог" іх падараваў ? якія пачвары азіяты гэтыя ...