У Мінску дабудавалі вялізнае новае пасольства Кітая. Прычым гэта цэлы комплекс будынкаў
Каля Палаца Незалежнасці на праспекце Пераможцаў у Мінску візуальна скончана будаўніцтва комплексу будынкаў пасольства Кітая. Будынкі ўжо аздобленыя і пафарбаваныя. Realt.by паглядзеў, як усё гэта цяпер выглядае.
Комплекс будынкаў пасольства Кітая знаходзіцца паміж гандлёва-забаўляльным цэнтрам «Замак» і пасольствамі Казахстана і Туркменістана. Гэтая зямля перададзена дыппрадстаўніцтву ў арэнду за адзін даляр у год на 70 гадоў — з восені 2018-га па восень 2088 года.
Будынкі пафарбаваныя, у двары ўжо зроблена азеляненне, побач ходзіць ахоўнік.
Акрамя пасольства, у комплексе размесцяцца кватэры супрацоўнікаў і дапаможныя будынкі.
Пасольства планавалі здаць сёлета. Верагодна, гэта і атрымаецца. А далей — пераезд сюды дыпмісіі Кітая з Берасцянскай.
Уся гэтая гісторыя пачалася з таго, што ў 2010 годзе Беларусь і Кітай дамовіліся даць адно аднаму зямельныя ўчасткі ў доўгатэрміновую арэнду для будаўніцтва дыппрадстаўніцтваў. Так, беларускі бок атрымаў у арэнду зямельны ўчастак у Пекіне плошчай каля 0,5 га, на якім ужо размешчаны будынак пасольства, а кітайскі бок — гэты зямельны ўчастак плошчай 1,5 га ў Мінску.
Цяпер чытаюць
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?4
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі88
Каментары
прычым у лепшым месцы Мінска - у зялёнай зоне на беразе Свіслачы. там увогуле паўсталі гіганты-пасольствы азіятскіх краін - Ірана, Масковіі і інш.
вось, як піша Анлайнер - "Пекин — столица нашего стратегического друга, для которого мы выступаем окном в Европу. Если судить по белорусскому посольству, мы все-таки скорее окошко, а не окно." а цяпер параўнайце сціплы будыначак у Пекіне - https://realt.onliner.by/2013/04/11/embassies (22 фота зверху) з гігантам, што пабудавалі ў Мінску