Пуцёўкі на чэмпіянат Еўропы па футболе за тры туры да фінішу заваявалі зборныя Партугаліі, Бельгіі і Францыі.
Партугальцы сёння перамаглі ў Порту Славакію з лікам 3:2 (дубль у Крышціяну Раналду, гол у Гансалу Рамуша) і сталі недасягальныя для супернікаў.
Пасля 7 тураў: Партугалія — 21, Славакія — 13, Люксембург — 11, Боснія — 9, Ісландыя — 7, Ліхтэнштэйн — 0.
У партугальцаў сем перамог у сямі матчах, 27 забітых мячоў.
Крышціяну Раналду стаў шостым футбалістам у гісторыі, які забіў больш за 100 галоў за зборную ў трох розных дзесяцігоддзях. Дэбютаваў за Партугалію ён у жніўні 2003 года ва ўзросце 18 гадоў.
Бельгійцы выйгралі ў гасцях у Аўстрыі 3:2 (дубль у Лукебакіа, гол у Лукаку) і таксама сталі недасягальныя для супернікаў.
Пасля 6 тураў: Бельгія — 16, Аўстрыя — 13, Швецыя — 6 (5 гульняў), Азербайджан — 4, Эстонія — 1.
Францыя ў гасцях перамагла Нідэрланды 2:1 (дубль у Мбапэ) і таксама заваявала пуцёўку на ЧЕ.
Пасля 6 тураў: Францыя — 18, Грэцыя — 12, Нідэрланды — 9 (5 гульняў), Ірландыя — 3, Гібралтар — 0. Нідэрланды не дагоняць французаў, бо двойчы ім прайгралі.
Французы таксама маюць 100-працэнтны вынік: шэсць перамог у шасці матчах.
***
Чэмпіянат Еўропы па футболе пройдзе летам наступнага года ў Нямеччыне.
Зборная Беларусі свой матч супраць Швейцарыі згуляе ў нядзелю. У беларусаў у сямі матчах пяць балаў (адна перамога, дзве нічые і чатыры паразы) і перадапошняе месца ў групе.
Гурт «Дразды» пакідае сцэну і вінаваціць у гэтым «гіперактыўных блогераў»5
Гурт «Дразды» пакідае сцэну і вінаваціць у гэтым «гіперактыўных блогераў»
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга182182
Каментары