Аўто66

Параўналі цэны на новыя зімовыя шыны ў Беларусі, Польшчы і Літве. Вынік нечаканы

Неўзабаве на дарогах з'явіцца снег і галалёдзіца, таму аўтамабілістам ужо цяпер варта падбаць пра пераход на зімовыя пакрышкі. Дзе танней іх купляць — у Беларусі ці суседніх краінах ЕС?

Фота: Getty Images / Savushkin

Адныя з самых танных зімовых пакрышак памерам 205/55 R16 — у айчыннай «Белшыны».

У інтэрнэт-крамах іх прадаюць па 130—140 рублёў за штуку. Гэта каля 40 еўра па бягучым курсе.

Фота: скрыншот з сайта bel-shina.by

Прыблізна за тую ж цану прадаюцца расійскія Tunga і Cordiant. Далей ідуць шыны кітайскай вытворчасці. Цэны на самыя танныя варыянты вагаюцца ў межах 140—160 рублёў за кола (каля 45 еўра).

У Літве цэны на пакрышкі аналагічнага памеру пачынаюцца з 37 еўра за кола.

Фота: скрыншот з сайта egzotika.lt

У Польшчы цэны на самыя танныя пакрышкі пачынаюцца са 180 злотых, што каля 40 еўра за штуку.

Калі разлічваць на вяртанне падатку на дадатковую вартасць пры набыцці шынаў у Польшчы або Літве, ад пазначаных цэн можна адлічыць каля 11—12%, калі карыстацца сэрвісам Global Blue. Але ёсць некаторыя прадаўцы, якія гатовыя вяртаць ПДВ цалкам (21% у Літве і 23% у Польшчы). Праўда, у такім выпадку вярнуць грошы адразу пры перасячэнні мяжы не ўдасца.

Калі прыглядацца да шын вядомых сусветных брэндаў, то розніца ў цэнах становіцца больш адчувальнай. Асабліва, калі скарыстацца магчымасцю вяртаць ПДВ, нават праз Global Blue.

Цэны на пакрышкі Michelin Alpin 6 у Беларусі пачынаюцца з 465 рублёў, што каля 137 еўра. 

Фота: скрыншот з сайта catalog.onliner.by

У Літве яны прадаюцца па 110 еўра за штуку, ці па 98 еўра, калі вярнуць частку ПДВ праз Global Blue.

У Польшчы яны каштуюць 504 злотых, ці каля 113 еўра.

Фота: скрыншот з сайта oponeo.pl

Пасля вяртання часткі ПДВ цана знізіцца да 99 еўра за пакрышку, а калі атрымаецца адшукаць краму, якая гатовая самастойна вяртаць ПДВ цалкам, то цана зніжаецца да 92 еўра за шыну. Гэта ўжо 315 рублёў супраць 465, калі купляць іх у Беларусі.

Што нечакана

Аднак не ўсе імпартныя шыны ў суседніх краінах ЕС каштуюць танней, чым у Беларусі. Тыя шыны, якія вырабляюцца ў Расіі па ліцэнзіі і тэхналогіях замежных кампаній, каштуюць танней, чым іх еўрапейскія аналагі.

Так, напрыклад, Hankook Winter i*cept у нас прадаюць па цэнах ад 216 рублёў за штуку. Гэта каля 64 еўра.

Фота: скрыншот з сайта r13.by

У Польшчы такія самыя пакрышкі каштуюць 370 злотых (каля 83 еўра). Таму нават з улікам вяртання 100% VAT (ПДВ) купляць такія пакрышкі за мяжой сэнсу не мае. 

Фота: скрыншот з сайта allegro.pl

Аналагічная сітуацыя з пакрышкамі NOKIAN Hakkapeliitta 205/55R16, якія вырабляюцца ў Расіі. У Беларусі адно кола можна набыць па цэнах ад 450 рублёў (каля 135 еўра).

Фота: скрыншот з сайта catalog.onliner.by

У Літве аналагічныя пакрышкі прадаюцца па 148 еўра за кола, а ў Польшчы па 700 злотых, што каля 157 еўра.

Фота: скрыншот з сайта egzotika.lt

Неістотная розніца ў цане з'яўляецца толькі пасля звароту ПДВ.

Не надта вялікая розніца ў цэнах на пакрышкі для паркетнікаў Bridgestone LM005 225/50R17 XL. У Беларусі яны прадаюцца па цане ад 490 рублёў (каля 145 еўра).

Фота: скрыншот з сайта catalog.onliner.by

А ў Польшчы ад 600 злотых (каля 135 еўра). У Літве 138 еўра. Заўважнай розніца становіцца толькі пры ўмове вяртання ПДВ. Тады пакрышкі з ЕС каштавацьмуць 110-120 еўра за штуку супраць 145 у Беларусі.

Фота: скрыншот з сайта allegro.pl

Як правільна вывезці шыны, каб вярнуць ПДВ?

Ахвотным набыць пакрышкі ў Польшчы ці Літве трэба ведаць, што вяртаць ПДВ можна толькі ў тым выпадку, калі вы будзеце вывозіць шыны як тавар. Калі вы паставіце іх на аўтамабіль, то магчымасці вярнуць ПДВ не будзе. 

Якія ліміты існуюць на ўвоз шын у Беларусь?

Для асабістага карыстання можна прывозіць не больш за чатыры новыя летнія або зімовыя шыны раз на два гады. Увоз б/у пакрышак без дыскаў у Беларусь забаронены.

Прывозіць шыны, колы або дыскі з-за мяжы мае права толькі ўласнік транспартнага сродку. Таксама трэба не забываць, што агульная вага пакрышак не мусіць перавышаць 31 кг, а іх кошт — 1000 еўра.

Нагадаем, што ў перыяд з 1 снежня да 1 сакавіка ў Беларусі аўтамабілі павінны быць абсталяваныя зімовымі шынамі. За парушэнне гэтых правіл прадугледжана адміністрацыйная адказнасць. 

Чытайце таксама: 

Самыя папулярныя аўто з ЗША, якія любяць беларусы

У Гродне сабакі ганяліся за катом і разнеслі «Аўдзі», якая толькі выйшла з рамонту

Еўрапейскі суд адмовіўся здымаць санкцыі з МАЗа і БелАЗа

Каментары6

  • 2020 + 2022
    25.10.2023
    Якасць гэных колаў цяпер выклікае пытання ад белшыны да ханкука з масковіі.
  • Снргей
    26.10.2023
    Угу купил в рб нокиан хакка блэк сделано в финляндии, но для рынка рб. 700дол. Передние колеса стерлись до ограничителя за 1 сезон и 10000км
  • Шына
    26.10.2023
    В норму 31 кг можно уложиться только с шинами детских размеров.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Праз дзевяць месяцаў пасля вызвалення памёр палітвязень Валерый Богдан7

Праз дзевяць месяцаў пасля вызвалення памёр палітвязень Валерый Богдан

Усе навіны →
Усе навіны

Шрайбман: Цяперашнія канфлікты ў апазіцыі ўжо мала каго цікавяць13

Работнікі МНС выратавалі на пажары сабаку і ката, а потым зрабілі ім штучнае дыханне

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

14-гадовая Віка адмовіла ў сэксе — і гэта стала прычынай панажоўшчыны, у якой загінулі чацвёра падлеткаў у Байкальску9

На бетонным заводзе ў Гомелі загінуў кіроўца цэментавоза

«Тыдзень у Бразіліі, дзе цябе абрабуюць, або два тыдні ў бяспечнай Беларусі». Па што замежнікі едуць у нашу краіну5

Украіна атакавала тэхнапарк і завод па вытворчасці беспілотнікаў у Падмаскоўі1

Беларусь пераносіць вучэнні «Захад-2025» з заходніх межаў углыб краіны18

У назвах станцый метро на выхадах з падземкі зніклі некаторыя літары1

больш чытаных навін
больш лайканых навін

Праз дзевяць месяцаў пасля вызвалення памёр палітвязень Валерый Богдан7

Праз дзевяць месяцаў пасля вызвалення памёр палітвязень Валерый Богдан

Галоўнае
Усе навіны →

Заўвага:

 

 

 

 

Закрыць Паведаміць