Свет2525

У польскім Сейме разгарэўся скандал на антысеміцкім грунце

12 снежня ў польскім Сейме разглядалі вельмі важную для краіны справу — зацвярджэнне складу новага ўрада краіны пад кіраўніцтвам лідара партыі «Грамадзянская платформа» Дональда Туска. Але спакойнаму яе абмеркаванню перашкодзіў нечаканы канфлікт, справакаваны дэпутатам ад крайне правай «Канфедэрацыі» Гжэгажам Браўнам.

Гжэгаж Браўн пасля здзяйснення свайго скандальнага ўчынку. Фота: Beata Zawrzel/NurPhoto via Getty Images

У польскім Сейме традыцыйна ў пачатку яўрэйскага свята Ханука запальваюць прынагодную свечку. Зрабілі так і гэтым разам. Але Гжэгаж Браўн, схапіўшы вогнетушыцель, патушыў яе, а пасля ў касцюме са слядамі парашка з вогнетушыцеля, стаўшы за трыбуну Сейма, патлумачыў свае дзеянні так:

«Не можа быць месца для актаў расісцкага, племяннога, дзікага, талмудысцкага культу на тэрыторыі Сейма Польскай Рэспублікі. Як я разумею, ад імя прысутных гаворыць невуцтва. Вы не ведаеце пра змест гэтага акта, паслання, нявінна званага святам Ханукі.

Мне прыпісваюць тут расісцкія матывы, а я якраз аднаўляю тут стан нармальнасці і раўнавагі, паклаўшы канец актам сатанінскага, талмудысцкага трыўмфалізму, таму што такое пасланне гэтых святаў».

Калегі Браўна па польскім парламенце былі ў шоку. Яго неадкладна адхілілі ад удзелу ў ягонай працы, дэпутат мусіў пакінуць будынак Сейма.

У пасяджэнні абвясцілі перапынак, а дзеянні Браўна асудзілі многія аўтарытэтныя асобы і інстытуцыі. Афіцыйна асудзілі дэпутата нават ягоныя калегі па фракцыі.

Сам Сейм не мае вялікіх паўнамоцтваў, каб пакараць дэпутата, які ўчыніў такія дзеянні. Маршалак Сейма Шыман Галоўня паведаміў, што ён дакладна будзе пакараны матэрыяльна. Апрача гэтага, канцылярыя Сейма падае заяву ў пракуратуру аб верагодным здзяйсненні злачынства.

«Я спадзяюся, што генеральны пракурор дасць гэтаму належны ход, і мы зможам у зале Сейма прыняць рашэнне аб адмене — я глыбока веру ў гэта — імунітэту для пана дэпутата Гжэгажа Браўна, каб такія ганебныя паводзіны больш ніколі не паўтарыліся ў будынку парламента ці дзе-небудзь у краіне», — заявіў Галоўня.

Чытайце таксама:

Туск стаў прэмʼерам на фоне ахалоджання ў адносінах з Украінай. Вось што ён заявіў наконт яе далейшай падтрымкі ў вайне

Новы польскі прэм'ер Дональд Туск прадставіў свой будучы ўрад

Дональда Туска абралі прэм'ер-міністрам Польшчы

Каментары25

  • Фу
    12.12.2023
    То прыхаваныя польскія скрэпы вылазяць. Дзякуй, што такіх у Польшчы пакуль меньшасць, інакш было бы тое самае як т ў Рф.
  • Верасень
    12.12.2023
    Палякі думаюць пра сваю будучыню. А беларусы мараць пра лёс палесцінцаў.
  • За Свабоду!
    12.12.2023
    А чаго яшчэ чакаць ад прарасійскіх нацыстаў-антысемітаў? Іх браты па розуму гэта Пуцін, Лукашэнка і ХАМАС. Гэта іх ідэалы ў палітыцы. На шчасце яны маргіналы толькі з 6% падтрымкай на апошніх выбарах.

Цяпер чытаюць

Лукашэнка: Хутка 4 мільёны працоўных сагнуцца, на карачкі стануць, і мы не зможам ім нармальны заробак плаціць27

Лукашэнка: Хутка 4 мільёны працоўных сагнуцца, на карачкі стануць, і мы не зможам ім нармальны заробак плаціць

Усе навіны →
Усе навіны

ЗША знялі ключавое абмежаванне на ўдары дальнабойнымі ракетамі па Расіі — WSJ5

Выбух адбыўся на абаронным заводзе ў Чалябінскай вобласці. Ёсць ахвяры5

Як Фядыніч адкрыў аўтобус Статкевічу на мяжы і як Вінярскі таксама выйшаў, каб застацца ў Беларусі. Новыя падрабязнасці3

Генеральны сакратар НАТА падтрымаў ідэю Трампа спыніць вайну ва Украіне па лініі фронту

Лукашэнка загадаў чыноўнікам праводзіць нарады на выходных і пасля працы2

Музыкант Алег Скрыпка: Я за вайсковы пераварот21

Беларус прадае слоік мёду за 1500 рублёў. За што такія грошы6

Не ўскладняйце, Мікола. Бугай адказвае Дзядку40

«Ён сапраўды як мала хто заслужыў яе» — Мілінкевіч пра прэмію для Пачобута4

больш чытаных навін
больш лайканых навін

Лукашэнка: Хутка 4 мільёны працоўных сагнуцца, на карачкі стануць, і мы не зможам ім нармальны заробак плаціць27

Лукашэнка: Хутка 4 мільёны працоўных сагнуцца, на карачкі стануць, і мы не зможам ім нармальны заробак плаціць

Галоўнае
Усе навіны →

Заўвага:

 

 

 

 

Закрыць Паведаміць