Грамадства1515

Лукашэнка цяпер не проста хрыпіць, а наогул страціў голас ВІДЭА

Ягоная прэс-служба абжартавала гэта тым, што грошы любяць цішыню. А нарада была наконт цэн.

Сёння Аляксандр Лукашэнка праводзіў нараду наконт цэн. Ён адразу паведаміў, што будзе гаварыць шэптам, але адкладаць нараду няма куды.

Ён сказаў, што калі ўраду больш за год таму было даручана заняцца гэтай праблемай, размова не ішла аб замарожванні або нават стрымліванні цэн.

«Гаворка ішла аб рэгуляванні цэнаўтварэння. Дзесьці стрымлівалі. Дзесьці цэны падрасталі. Эканоміку не падманеш, — сказаў ён. — Мы цудоўна разумеем, што калі замарозіць цану там, дзе яе нельга замарозіць, — заўтра знікне тавар, ніхто ў нас са стратамі працаваць не будзе».

Цяпер Аляксандр Лукашэнка заявіў, што ў Беларусі з 1 студзеня павінна быць дакладная, зразумелая сістэма рэгулявання цэн. Яе падрабязнасці невядомыя. 

Між тым 6 кастрычніка Лукашэнка выпусціў дырэктыву менавіта аб поўнай замарозцы цэн у Беларусі. Цяпер з 714 арганізацый гандлю, якія ўлічваюцца Белстатам, 137 апынуліся стратнымі за 10 месяцаў гэтага года.

19 снежня на нарадзе Лукашэнка таксама хрыпеў і выглядаў хваравіта. 

Прэсавая служба Лукашэнкі нічога не паведамляе пра яго здароўе. Пагаршэнне яго стану беларусы могуць толькі бачыць.

У маі 2023 года палітык захварэў і знік на пяць дзён. 9 Мая на парадзе ў Маскве на яго руцэ заўважылі бінт. Лукашэнка не змог прайсці з іншымі кіраўнікамі дзяржаў некалькі соцень метраў ад трыбуны да Аляксандраўскага сада, яго везлі асобна электрамабілем. Увечары ён першы раз за час свайго кіравання не змог прачытаць прамову на ўскладанні кветак на плошчы Перамогі, за яго гэта зрабіў міністр абароны Віктар Хрэнін. 

Толькі 15 мая Лукашэнку паказалі народу — ён наведваў камандны пункт ВПС і войскаў СПА. На моцна рэтушаваным фота БелТА ён выглядаў васковай фігурай.

Пазней палітык сказаў, што ў яго быў адэнавірус. І дадаў, што паміраць не збіраецца і «мучыцца вы са мной будзеце доўга».

А 23 лістапада, сустракаючы Пуціна на саміце АДКБ у Мінску, Лукашэнка дзіўна дрыжаў. Раней такое дрыжанне ў аб'ектыў не трапляла. Такі трэмар можа быць як прыкметай старэння, так і сімптомам хваробаў або эмацыйнага напружання.

Каментары15

  • Багдан
    21.12.2023
    Што за навіна - голас гэтага людажэра? Ён яму неяк перашкаджае катаваць беларусаў?
  • Вялікабрагінская імпэрыя
    21.12.2023
    Мне вот очэнь інцярэсна, а як ваны міне будуць устанаўліваць цэны кахда я прыватызую, вот напрымер "Ваўкавыскі пяльменны завод". Ну скажам скажуць прадаваць па 3 рублі, я выпушчу дранікі з "Пагоняй" і брэст-літоўскай сьмятанай і па 5 рублёў. І на два рублі буду пад касьцёлам песьні сьпяваць: "Ой, ня було у Тэклі клопату - пакарміла парася пяльменямі". І вот хто тут праў: дранікі са сьмятанай ці пяльмень з-пад кабана?
  • Апостал
    21.12.2023
    Спачатку Бог за брахню.адбярэ яму голас...

Цяпер чытаюць

«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе2

«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе

Усе навіны →
Усе навіны

У Гродне хлопец у касцюме анёла граў на саксафоне і спяваў серэнаду

У Астрахані абрынуўся пад'езд пяціпавярховага дома2

«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс21

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос39

Дзяўчына на Прыпяці вылавіла гіганцкага сома — 2,25 метра6

СБУ: Затрыманы агент КДБ, які шпіёніў на паўночнай мяжы Украіны3

У Расіі вайскоўца асудзілі за паражэнскія настроі

Самы працяглы маршрут — 140 кіламетраў за дзень. Экс-палітвязень Андрэй Кузнечык зацяты веласіпедыст — ён расказаў пра сваё хобі6

Не прапусціце вялікія зніжкі на рэкламу ў «Нашай Ніве» да канца лета

больш чытаных навін
больш лайканых навін

«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе2

«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе

Галоўнае
Усе навіны →

Заўвага:

 

 

 

 

Закрыць Паведаміць