Расійскі прапагандыст Красоўскі трапіў у бальніцу. Украінскія СМІ сцвярджаюць, што яго атруціла ГУР
Былы супрацоўнік Russia Today Антон Красоўскі, які заклікаў забіваць украінскіх дзяцей, паведаміў пра сваю шпіталізацыю.
«У пачатку тыдня рэзка скруціла жывот, пачало ванітаваць, потым страціў прытомнасць. Адвезлі ў клініку. Паступова прыходжу ў сябе», — напісаў увечары 24 снежня Красоўскі ў сваім тэлеграм-канале.
У той жа час ва ўкраінскіх СМІ сталі з'яўляцца паведамленні, што за гэтым можа стаяць ГУР. Выданне Kyiv Post са спасылкай на крыніцу ў разведцы паведаміла, што расійскага прапагандыста атруцілі.
Суразмоўца журналістаў сцвярджае без падрабязнасцей, што стан Красоўскага «працягвае пагаршацца» і «верагодна, апошнія паведамленні ў сеціве ён пісаў ужо не сам».
Антон Красоўскі да кастрычніка 2022 года ўзначальваў «RT Расія». Яго звольнілі пасля таго, як ён у эфіры заклікаў тапіць і паліць украінскіх дзяцей. Ва Украіне яго завочна асудзілі на пяць гадоў пазбаўлення волі.
Лукашэнка: Раман Пратасевіч — даўні супрацоўнік беларускай разведкі59
Каментары