Гэта самы халодны студзень за 25 гадоў.
У апошнія дні на поўначы Швецыі было па-сапраўднаму холадна. Тэмпература ў некалькіх месцах апусцілася да -40°С, у тым ліку ў Квік'ёку ў Нарботэне (самы паўночны раён краіны), дзе ў сераду ўвечары было 43,6 градуса ніжэй за нуль, піша Ekspressen.se.
Гэта самая халодная студзеньская тэмпература ў Швецыі за апошнія 25 гадоў.
Хелена Адольфсан, 62 гады, вырасла ў Упсале, але ўжо 30 гадоў жыве ў Квік'ёку.
— Мы зразумелі, што будзе холадна, калі ўбачылі, што будзе ясна і зацішна. Але не думалі, што будзе ніжэй за 40 градусаў марозу.
Яна не выходзіць на вуліцу больш за неабходнае, і аддае перавагу карацейшым прагулкам.
Яна рэкамендуе не дакранацца ні да чога металічнага нават у тонкіх пальчатках.
Галоўнае — адзенне, каб прапускала паветра, абутак на добрай падэшве, якая ізалюе ад зямлі, і пальчаткі.
— Пажаданы таксама капюшон, каб у вас было трохі паветра вакол твару.
Холад, падобна, захаваецца ў Швецыі на працягу наступных некалькіх дзён.
Цяпер чытаюць
Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?1
Пяць гадоў таму «дыджэі перамен» уключылі Цоя на дзяржаўным мерапрыемстве. Што з імі цяпер?
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары