Беларусам рассылаюць небяспечныя паведамленні нібыта ад «Белпошты»
Гэтыя СМС могуць прывесці да страты грошай. У Банкаўскім працэсінгавым цэнтры ўдакладнілі, як пазбегнуць небяспекі.
«У гэтых паведамленнях гаворыцца аб тым, што пасылка прыбыла на склад, але не можа быць дастаўлена адрасату, таму неабходна запоўніць неабходную інфармацыю перайшоўшы па спасылцы. Спасылкі ў рэчаіснасці з'яўляюцца фішынгавымі, а ўвод даных прыводзіць да спісання грашовых сродкаў грамадзян», — паведамілі ў БПЦ.
У працэсінгавым цэнтры раяць звярнуць увагу на адпраўніка, бо, як правіла, паведамленні прыходзяць не з беларускіх нумароў тэлефонаў.
Ні ў якім разе, вядома, нельга ўводзіць ніякіх асабістых даных і даных банкаўскай карткі, перайшоўшы па спасылкі ў такім СМС.
Калі вы ўсё ж чакаеце пасылку, то лепш самастойна схадзіць у паштовае аддзяленне і даведацца падрабязнасці. Таксама статус пасылкі можна самастойна праверыць на афіцыйным сайце РУП «Белпошта».
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары