У фінале найстарэйшага еўрапейскага хакейнага турніру Кубак Шпэнглера, што праходзіць у швейцарскім Давосе, мінскія дынамаўцы 31 снежня сустрэнуцца з гаспадарамі спаборніцтваў – клубам «Давос», які перамог у сераду нямецкі «Мангейм» 3:1.
Кубак Шпэнглера праводзіцца 83-ці раз, першы турнір прайшоў у далёкім 1923 г. «Давос», дарэчы, – 14-ціразовы ўладальнік галоўнага трафею.
Нагадаем, што
ў сераду падапечныя Аляксандра Андрыеўскага перамаглі зборную Канады (яна складаецца з гульцоў, што выступаюць у еўрапейскіх клубах) – 4:3.
***
У Кубку Шпэнглера бралі ўдзел пяць клубаў, якія правялі аднаколавы турнір. Паводле рэгламенту ў фінале выступяць каманды, што занялі па выніках аднаколавага турніру 1-е і 2-е месцы.
Нагадаем, што «Дынама» ў першым туры акурат саступіла «Давосу» 26 снежня – 2:3. Потым «Дынама» выйграла 27 снежня ў «Мангейма» 2:1, разграміла 29 снежня «Энергі» (Карлавы Вары, Чэхія) – 8:0 і, урэшце, 30 снежня перамагло зборную Канады – 4:3.
Выніковае становішча па выніках аднаколавага турніру: Давос – 6 балаў, Дынама – 6, Мангейм – 4, Канада – 4, Энергі – 2.
Фінал «Давос» – «Дынама» пройдзе 31 снежня. Пачатак а 13-й.
Традыцыйна пераможца турніру запрашаецца ў Давос на наступны год, каб адстаяць тытул. Летась у Кубку Шпэнглера перамагло маскоўскае «Дынама», але масквічы адмовіліся сёлета ўдзельнічаць з прычыны шчыльнага графіка ў КХЛ.
-
Трэнер, які прывёў клуб да срэбра ў чэмпіянаце Беларусі, будзе трэніраваць каманду з пятага дывізіёна першынства Польшчы
-
Форвард мінскага «Дынама» Дылан Дзюбэ і яшчэ чатыры хакеісты прызнаныя невінаватымі па справе аб сэксуальным гвалце
-
Галоўны трэнер «Нёмана» выканаў дзіўны танец пасля перамогі ў матчы Лігі канферэнцый
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню27
Каментары