«Рэйкавага партызана» са Светлагорска Дзяніса Дзікуна зноў будуць судзіць, паведамляюць гомельскія праваабаронцы. Гэтым разам Дзяніса, ужо асуджанага на 23 гады пазбаўлення волі, абвінавачваюць у «злосным непадпарадкаванні патрабаванням адміністрацыі папраўчай установы».
25 сакавіка ў Горках адбудзецца суд над палітвязнем Дзянісам Дзікуном, «рэйкавым партызанам» са Светлагорска.
На гэты раз адміністрацыя калоніі, у якой Дзяніс адбывае пакаранне, абвінавачвае яго па частцы 2 артыкула 411 Крымінальнага кодэкса РБ (злоснае непадпарадкаванне патрабаванням адміністрацыі папраўчай установы). Справу будзе разглядаць суддзя Фамічова Наталля.
Дзяніс Дзікун быў асуджаны 27 снежня 2022 года на 23 гады пазбаўлення волі ва ўмовах узмоцненага рэжыму па справе «рейкавых партызан».
6 красавіка 2023 года яго этапавалі з СІЗА № 3 г. Гомеля ў папраўчую калонію № 9 г. Горкі, што ў Магілёўскай вобласці. У калоніі Дзяніса адразу змясцілі ў штрафны ізалятар.
Пасля заканчэння тэрміну яго перавялі ў атрад, але потым зноў адпраўлялі ў ШІЗА некалькі разоў.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах9
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары