Грамадства55

Абельскую рыхтуюць на замену Качанавай?

Маці Колі Лукашэнкі Ірыну Абельскую вылучылі ў Савет Рэспублікі. Кар'ерны рост ці выхад на ганаровую пенсію? 

Фота: minzdrav.gov.by, тэлеграм-канал Савета Рэспублікі

Вылучэнне Абельскай на новую пасаду палітычны аналітык інфармагенцтва «Позірк» Аляксандр Класкоўскі называе, хутчэй, сінекурай, чым намёкам на тое, што яе палітычная кар’ера пойдзе ўгару.

«Яе вылучэнне — хутчэй жэст удзячнасці з боку Аляксандра Лукашэнкі. Наўрад ці тут праглядаецца перспектыва кар’ернага росту, што, напрыклад, яна стане спікеркай замест Качанавай. Гэта больш падобна да ганаровай пенсіі.

Абельская ўжо дасягнула пенсійнага ўзросту, магчыма, яна проста стамілася ад пасады галоўнай лекаркі Рэспубліканскага медыцынскага цэнтра, і цалкам імаверна, што ёй проста захацелася жыць больш спакойным жыццём», — разважае Класкоўскі.

Дарэчы, паўнавартасны заробак у Савеце Рэспублікі атрымліваюць толькі спікер і пяць старшыняў камісій. Астатнія члены Савета Рэспублікі застаюцца на ранейшых месцах працы і прыязджаюць толькі на паседжанні.

Сярод довадаў, чаму Абельская наўрад ці стане заменай Качанавай, Класкоўскі называе не самы ўдалы досвед з колішнім прызначэннем яе маці на пасаду міністра аховы здароўя:

«Людміла Пастаялка пратрымалася на гэтай пасадзе нядоўга, і відавочна, што яна стала міністаркай дзякуючы стасункам сваёй дачкі. Але наўрад ці Лукашэнка палічыў той эксперымент удалым».

Пастаялка была міністаркай з ліпеня 2002 да снежня 2005. У яе дыягнаставалі анкалогію, і праз 14 месяцаў яна памерла.

Апроч гэтага, на думку Класкоўскага, у Качанавай ёсць такая перавага як вялікі чыноўніцкі і арганізацыйны досвед, чаго няма ў Абельскай. Таму, на думку аналітыка, варыянт замены цяперашняй спікеркі на Ірыну Абельскую не разглядаецца.

«Качанава — дасведчаная і адданая Лукашэнку чыноўніца, якая яго цалкам задавальняе. Яна па-за канкурэнцыяй што да кампліментаў на адрас Лукашэнкі.

Ды і наогул, наўрад ці сама Ірына Абельская будзе ўдзячна Лукашэнку, калі ён ускладзе на яе ўсе абавязкі, якія мае Качанава», — разважае аналітык.

Каментары5

  • Уладзік
    15.03.2024
    Качанава — дасведчаная і адданая Лукашэнку чыноўніца, якая яго цалкам
    задавальняе. Яна па-за канкурэнцыяй што да кампліментаў на адрас
    Лукашэнкі


    Колькасць кампліментаў вышэйшых царадворцаў да старога дыктатара ва ўмовах культа асобы вельмі слаба карэлюе з іхнай адданасцю. Рыторыка і ўчынкі Такаева да студзеня 2022 ў датычэнні да елбасы выглядалі звонку нашмат больш сервільнымі і лізаблюдцкімі. Нагадаю, што менавіта Такаеў был ініцыятарам пераіменавання казахскай сталіцы ў Нурсултан.

    Таксама варта ўзгадаць, што менавіта Качанава з трэскам праваліла кампанію-2020, наступствы чаго для ўзурпатара няспынна ўзмацняюцца, і ён гэта відавочна адчувае. А шчыльныя кантакты Качанавай с Крамлем у сукупнасці з перманентнай паранаідальнасцю, жаданнем знайсці, адпомсціць і вычысціць ўсіх нелаяльных даюць падставы дыктатару перыядычна падазраваць, што з боку Качанавай гэта магло быць ня проста нейкае глупства. І чым далей - тым часцейшымі і мацнейшымі будуць гэтыя прыступы.

    Абельская - нашмат больш кантралюемая асоба за Качанаву, якая паспела прасунуць
    занадта шмат сваіх людзей на высокія пасады ў лукашэнкаўскай вертыкалі. У т.л. і
    сілавікоў кшталту Кубракова.


  • Грызлов
    15.03.2024
    Водоканальщица пойдет в внс. И будет там сидеть, пока Кондратий не заберет. Хотя, зная ее работу на Россотрудничество, может и убрать полностью.
  • .
    15.03.2024
    Ай-яй-яй. Самі хайпанулі ў загалоўку, самі і абверглі.

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Усе навіны →
Усе навіны

Трамп вымушана спыняе рэйды супраць імігрантаў у сельскай гаспадарцы і гатэльным бізнэсе3

Навукоўцы знайшлі просты спосаб паспрыяць росту раслін — музыка, але не кожная20

Ryanair будзе штрафаваць пасажыраў, якія парушаюць парадак1

У Гомелі 7 гадоў таму пабудавалі прыбіральню ледзь не за мільён даляраў. Як у ёй цяпер?4

У Дубаі загарэўся 67-павярховы хмарачос3

Што можа чакаць тых, каго будуць судзіць па справе «Беларускага Гаюна»?

Лукашэнка парэкамендаваў беларусам не налягаць на бульбу13

Ізраільцянам прыходзяць шпіёнскія паведамленні ад карэспандэнткі АНТ10

Усплёскі заказаў піцы каля Пентагона маглі сведчыць пра будучую атаку на Іран9

больш чытаных навін
больш лайканых навін

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Галоўнае
Усе навіны →

Заўвага:

 

 

 

 

Закрыць Паведаміць