Акцыянерная кампанія па транспарце нафты «Транснефць» працягвае прапампоўванне нафты на беларускія нафтаперапрацоўчыя заводы. Пра гэта паведамілі ў прэс‑службе кампаніі.
Беларусь і Расія дагэтуль не ўзгаднілі ўмовы паставак нафты. Дата аднаўлення перамоў па гэтым пытанні па‑ранейшаму невядомая.
З пачатку года пастаўкі нафты на беларускія НПЗ ажыццяўляліся ў адпаведнасці з раней заключанымі кантрактамі. Як заявіла 11 студзеня прэс‑сакратар «Белнафтахіма» Марына Касцючэнка, «нафта паступае ў Беларусь у адпаведнасці з заключанымі дагаворамі, нафтаперапрацоўчыя заводы працуюць у планавым рэжыме». Паводле яе слоў, у поўным аб’ёме ажыццяўляецца таксама транзіт расійскай нафты праз тэрыторыю Беларусі.
Планавалася, што з 11 студзеня беларускія прадпрыемствы працягнуць заключэнне кантрактаў з расійскімі нафтавымі кампаніямі на далейшыя пастаўкі нафты, аднак інфармацыю пра гэта ў канцэрне «Белнафтахім» пацвердзіць не атрымалася.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты27
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)77
Каментары