Жыхар Століна забіў жонку і паспрабаваў скончыць жыццё самагубствам. Гэта ён урэзаўся ў стэлу з назвай горада
Уначы 15 сакавіка Volkswagen урэзаўся ў цагляную стэлу з назвай горада на вуліцы Пінскай. Стэла была амаль цалкам разбурана. Цяпер СК паведаміў, што папярэднічала гэтаму.
15 сакавіка ў праваахоўныя органы паступіла паведамленне аб дарожна-транспартным здарэнні, у выніку якога пацярпеў 38-гадовы кіроўца. Было ўстаноўлена, што мужчына на вялікай хуткасці сутыкнуўся са стэлай на ўездзе ў Столін. Вадзіцель атрымаў шматлікія траўмы. Цяпер ён знаходзіцца ў бальніцы, яго жыццю нічога не пагражае. Падчас агляду аўтамабіля ўстаноўлена, што стрэлка спідометра знаходзілася на адзнацы звыш 180 км/г.
Падзеі атрымалі нечаканы працяг, калі раніцай сын пацярпелага ў ДТЗ мужчыны прыйшоў да бабулі з дзядулем і паведаміў, што «дома адбылося нешта страшнае». Там пенсіянеры выявілі жудасную карціну: на падлозе ў ванным пакоі ляжала цела нявесткі.
На целе загінулай следчымі выяўленыя траўмы галавы. Таксама на кухні былі замытыя сляды крыві і меркаваная прылада злачынства — сякера.
Па адной з версій следства, муж забіў сваю жонку і ў далейшым паспрабаваў на сваім аўтамабілі скончыць жыццё самагубствам.
Цяпер чытаюць
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода20
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары