Спорт22

Чаму зборная Японіі па футболе пачынае ўсе матчы ў дзіўны час? Гульня з КНДР стартавала ў 19:23

І гэта было не першы раз — з Аўстраліяй пачыналі ў 21:14. Навошта?

Матч Японія (японцы ў сінім) — КНДР. AP Photo/Eugene Hoshiko

Зборная Японіі пачала адборачны матч на чэмпіянат свету 2026 з Паўночнай Карэяй у вельмі дзіўны час — у Токіа матч стартаваў у 19:23. Так, менавіта ў 23 хвіліны. Гэта не затрымка, не памылка, не што-небудзь яшчэ — і афіцыйны сайт ФІФА, і ўсе пастаўшчыкі статыстыкі даюць менавіта такі час, піша Championat.com.

Аказваецца, час пачатку матчаў напрамую залежыць ад тэлевізійшчыкаў. Тэлеканал, які транслюе матч, сам прызначае час пачатку гульні, каб састыкаваць яго з рэкламнымі слотамі і пусціць у прайм-тайм.

Большасць японскіх праграм (у прыватнасці — драмы і анімэ) не пачынаюцца роўна а нейкай гадзіне ці, напрыклад, а 19:30: адны фільмы стартуюць у 20:58, іншыя — у 21:07.

Калі пачалася бітва каналаў за рэйтынгі, некаторыя сталі спецыяльна пачынаць свае шоу на некалькі хвілін раней за канкурэнтаў, каб тэлеглядач, гартаючы каналы, наткнуўся менавіта на іх праграму. Але з часам канцэпцыя пра канкурэнцыю сышла, а на змену ёй прыйшлі рэкламадаўцы.

Паводле даследавання Magnite, у 2023 годзе 71% тэлегледачоў у Японіі глядзяць патокавыя сэрвісы з падтрымкай рэкламы, спажываючы больш за дзве гадзіны ў дзень тэлевізійнага кантэнту на аснове рэкламы. Звесткі падмацоўваюцца ўражальнымі сумамі выдаткаў на рэкламу: у 2023 годзе яны склалі 1,73 трыльёна йен (8,5 млрд даляраў).

Нацыянальная асацыяцыя камерцыйных вяшчальнікаў Японіі ўстанавіла выразныя крытэры для рэкламы. Так, на 10 хвілін тэлевізійнага сегмента дазволена дзве хвіліны рэкламнага часу, на 20 — 2,5 хвіліны, на 30 — 3 і г.д. Таксама ёсць сегменты прайм-тайма, калі рэклама варта асабліва дорага. Першы — гэта раніца, калі людзі ўстаюць і рыхтуюцца да працы ці вучобы.

Тады паказваюць навіны, дзіцячыя праграмы і анімэ (у гэтым выпадку заўсёды ёсць гадзіннік, каб людзі не загледзеліся і своечасова выйшлі з дома). Другі — апоўдні: гэта час хатніх гаспадынь і тых, у каго ёсць перапынак на абед. Трэці — паміж 19:00 і 22:00 — называецца «залатым часам»: людзі вяртаюцца з працы або вучобы і ўключаюць тэлевізар, каб расслабіцца.

Рэклама ў гэты час асабліва важная, таму ўсе слоты распісаныя па хвілінах.

Японцы вядомыя сваёй пунктуальнасцю, і гэта не стэрэатып. Калі цягнік спазняецца на адну хвіліну (!), то за аб'явай пра гэта на станцыі абавязкова будуць доўгія прабачэнні за нязручнасць. На тэлебачанні таксама ўсё павінна працаваць дакладна. Расійскі арбітр Наіль Лутфулін неяк паехаў у Японію працаваць на матчы алімпійскай зборнай і пачаў гульню на хвіліну пазней заяўленага часу. Пасля гэтага японскі бок даслаў у Азіяцкую федэрацыю футболу поўны крыўдаў ліст, што яны страцілі рэкламадаўцаў.

У Японіі ўсё павінна быць дакладна, бо колькасць рэкламы і ўсе слоты падлічаныя — зрух на адну хвіліну азначае менш рэкламнага часу на цэлых 60 секунд. А яны каштуюць грошай.

Так што зборная Японіі пачынае свае матчы ў розны (дзіўны) час, бо так ім сказалі на тэлебачанні. Стартаваць трэба, напрыклад, роўна ў 23 хвіліны, так як канал прадаў пэўную колькасць рэкламнага часу, і ўсё падлічана пад гэта.

Каментары2

  • На Белсаце явно не японцы работают
    23.03.2024
    Они там и на 10 и на 15 минут заявленную программу передач не выдерживают. Все время хочешь что-то посмотреть или записать по времени, включаешь, а там идёт предыдущая программа ещё черт знает сколько времени.

    Belarus Tomorrow тоже будет собственную программу нарушать?
  • КНДР - спонсор войны с Украиной
    23.03.2024
    Ну вот нафига страну-изгоя на международные соревнования вообще допускать?

Цяпер чытаюць

Што ўяўляе сабой база даных, якую сілавікі называюць «узломам «Новай Беларусі»9

Што ўяўляе сабой база даных, якую сілавікі называюць «узломам «Новай Беларусі»

Усе навіны →
Усе навіны

У Парк высокіх тэхналогій прызначылі новага дырэктара1

Адышка ў Лукашэнкі цяпер ужо і калі ён гаворыць седзячы ВІДЭАФАКТ10

Матч футбольнай зборнай з-за кепскага стану поля перанеслі са стадыёна «Дынама» ў Барысаў

У Радуні на аўкцыёне прадалі будынак старой ешывы

«Рыхтаваўся да выезду, але не паспеў». Былога палітвязня паўторна затрымалі неўзабаве пасля выхаду з калоніі2

Расійскага «героя СВА» ў Стаўрапалі ўзарваў хлопец, з якім ён пазнаёміўся на рэсурсе для гей-знаёмстваў5

Сталі вядомыя акалічнасці забойства пад Оршай аднаго расійскага паліцэйскага другім6

Беларус прыехаў з Польшчы абнавіць пашпарт, а стаў фігурантам крымінальнай справы з забаронай на выезд. І пытанне не ў палітыцы5

Халодны май ударыў па клубніцах. Беларускія фермеры кажуць аб зніжэнні ўраджаю

больш чытаных навін
больш лайканых навін

Што ўяўляе сабой база даных, якую сілавікі называюць «узломам «Новай Беларусі»9

Што ўяўляе сабой база даных, якую сілавікі называюць «узломам «Новай Беларусі»

Галоўнае
Усе навіны →

Заўвага:

 

 

 

 

Закрыць Паведаміць