«Я крыху больш стаў машынай». Арнольду Шварцэнэгеру паставілі кардыястымулятар
Пра стан свайго здароўя сам славуты акцёр расказаў у падкасце Arnold's Pump Club.
«У мінулы панядзелак у мяне была аперацыя, каб я крыху больш стаў машынай: мне паставілі кардыёстымулятар», — пажартаваў Шварцэнэгер.
76-гадовы акцёр і палітык заявіў, што адчувае сябе добра. Ужо праз чатыры дні пасля аперацыі ён з'явіўся на публіцы на буйным мерапрыемстве па ахове навакольнага асяроддзя.
Шварцэнэгер адзначыў, што расказваць пра праблемы са здароўем не прынята ў Аўстрыі, дзе ён нарадзіўся. Але дадаў, што калі чатыры гады таму публічна расказаў пра замену сардэчнага клапана, то атрымаў мноства паведамленняў ад людзей з хваробамі сэрца. Людзі дзякавалі яму за тое, што сваім прыкладам ён натхніў іх на барацьбу.
Раней Шварцэнэгер, які нарадзіўся з парокам сэрца, перанёс тры аперацыі, падчас якіх яму замянялі клапаны. Апошнюю з гэтых аперацый правялі ў 2020 годзе.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары