Беларус пісаў у «бот Буданава», каб паехаць ваяваць ва Украіну. Гэта версія ГУБАЗіК — і вось, што з ёй не так
ГУБАЗіК затрымаў беларуса, калі той быццам патэлефанаваў у амбасаду Польшчы і сказаў, што яму тэрмінова патрэбны калідор для эвакуацыі. Расказваем, што не так з затрыманнем «тэрарыста» ў Мінскім раёне.
Мужчыну клічуць Віталь, ён з Мінскага раёна.
Са звестак з відэа ГУБАЗіК вынікае, што мужчына ў 2023-м спрабаваў перайсці мяжу з Украінай, але не здолеў. Пасля гэтага ён звярнуўся ў «бот Буданава».
Пасля гэтага з «бота Буданава» яму прыйшоў адказ. Адметна, што на іншым канцы выкарыстоўвалі як беларускую літару «ў», гэтак і называлі Беларусь «Белоруссіяй».
Мужчына нібыта сам прапанаваў здзейсніць тэракт у Беларусі. Але ў скрыншотах у відэа ГУБАЗіК бачна, што Віталь кажа, што калі і рабіць дыверсіі, то так, каб не пацярпелі мірныя людзі. А пераконвае рабіць дыверсіі акурат чалавек з «бота Буданава». У дыялогах, якія прыпісваюцца Віталю — толькі гіпатэтычныя развагі.
Мужчына кажа, што пасля «трухануў і выдаліў тэлеграм і сам акаўнт». Але першы скрыншот у відэа ГУБАЗіК пададзены ад імя Віталя.
Гэта можа значыць дзве рэчы: або яны цалкам фэйкавыя, або сілавікі мала таго, што былі на іншым канцы — у «боце Буданава» (магчыма, расійскія), — дык яшчэ і губазікаўцы ўвайшлі ў тэлеграм-акаўнт мужчыны.
Далейшая камунікацыя выглядае як экспарт дыялогу з тэлеграма, што можа зрабіць толькі той, у каго ёсць доступ да акаўнта — або адпраўніка, або атрымальніка.
Паведамляецца, што Віталя затрымалі, калі ён са свайго ўласнага тэлефона звязаўся з амбасадай Польшчы і паведаміў, што яму тэрмінова трэба «эвакуацыя, каб паехаць ваяваць ва Украіну». Аніякіх доказаў гэтаму не прыводзіцца.
Атрымліваецца, што губазікаўцы ведалі пра «тэрарыста», які жыве побач з Мінскам, але нічога з ім не рабілі.
«Наша Нiва» — бастыён беларушчыны
ПАДТРЫМАЦЬ
Хрыста Грозеў: Мельнікава як мінімум год, а хутчэй за ўсё, паўтара перадавала інфармацыю беларускім спецслужбам36
Каментары
А большасць на чым гараць? На тым, што ў 2024-м не выдаляюць каментары і маюць мазгі пісаць у фэйкавыя боты. І пасля гэтыя людзі будуць пісаць, што тэлеграм небяспечны. Вядома, небяспечны, калі ў вас адна ізвіліна
Подскажу как бороться с Telegram тем, кто проживает в Европе и требовать от него удаления всех ваших персональных данных в связи законодательством GDPR - читайте Privacy Policy Телеграмма на английском и связывайтесь с уполномоченной им специализированной компанией из Швейцарии, которая занимается вопросами оборота персональных данных. Там написан алгоритм действий.
Телеграм - интересное современное приложение со множеством различного фукционала, но использовать его для политических целей - опасно! Помните, что на войне связь очень важна и если враг получит к ней доступ, то скорее всего ему будут известны ваши планы и вы с большой вероятность проиграете. Берегите себя и свои данные!