Рэзервовы банк Зімбабвэ аб'явіў пра ўвядзенне новай валюты пад назвай ZiG (Zimbabwe Gold — золата Зімбабвэ). Як паведамляе выданне Pendula News, новая валюта будзе забяспечаная кошыкам замежных валют, золата і іншых каштоўных металаў.
Новая грашовая адзінка будзе выпускацца ў манетах і банкнотах наміналам у 1, 2, 5, 10, 20, 100 і 200. Яе абменны курс да даляра ЗША будзе складаць 13,5 зімбабвійскага золата за 1 даляр ЗША. Цяпер 1 даляр можна купіць за 30,5 тысячы зімбабвійскіх даляраў.
Адзначаецца, што ZiG будзе запушчаны ў абарачэнне 8 красавіка. Банкноты зімбабвійскага даляра ад грамадзян будуць прымацца банкамі краіны на абмен цягам наступных 21 дзён.
Увядзенне ZiG — ужо шостая з 2008 года спроба Зімбабвэ нарэшце стварыць нармальную мясцовую валюту. Папярэднія спробы былі няўдалыя, бо з-за высокай інфляцыі ўведзеныя новыя плацежныя сродкі вельмі хутка абясцэньваліся.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах1
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
Цяпер у Зімбабвэ можна ў літаральным сэнсе на касе ў краме кідаць зігі!
І галоўнае, што першая літара - якраз з сучаснай расійскай свастыкі, для зігаў вельмі пасуе.