Свет2222

Галоўны інвестар «Паўночнага берага» пакідае Беларусь з-за санкцый. Для Лукашэнкі гэта «стала навіной»

Агенцтва Reuters са спасылкай на блізкія да сітуацыі крыніцы паведамляе, што Махамед Алі Алабар, магнат нерухомасці Аб'яднаных Арабскіх Эміратаў (ААЭ) і забудоўшчык знакамітай Бурдж-Халіфы, ініцыяваў продаж усіх сваіх беларускіх актываў, у ліку якіх ёсць элітны і шматфункцыянальны жылы комплекс «Паўночны бераг», які толькі-толькі пачаў будавацца ў Мінску. На навіну адрэагавалі ў Лукашэнкі.

Запланаваны выгляд шматмільярднага будаўнічага праекта жылога комплексу «Паўночны бераг» у Мінску. Фота: Realt.by

«Галоўны інвестар шматмільярднага праекта North Waterfront («Паўночны бераг») у Мінску і кіраўнік эмірацкай кампаніі Emaar Properties Махамед Алі Алабар дасягнуў папярэдняй дамовы аб продажы ўсіх сваіх актываў у Беларусі з-за санкцый Захаду», — піша Reuters са спасылкай на дзве блізкія да сітуацыі крыніцы.

Акрамя таго, дадатковай нагодай для сыходу Алабара з Беларусі крыніцы называюць яго новы будаўнічы праект у Сербіі, які ладзіцца ў супрацоўніцтве з амерыканскім бізнэсменам Джарэдам Кушнерам, зяцем былога прэзідэнта ЗША Дональда Трампа.

Сербскі праект Алабара прадугледжвае перабудову былой штаб-кватэры югаслаўскай арміі ў Белградзе ў сучасны і высокатэхналагічны жылы комплекс, перадаюць крыніцы Reuters.

Сам Алабар адмовіўся каментаваць Reuters прычыны свайго сыходу з Беларусі і асобу патэнцыйнага пакупніка яго беларускіх актываў. У той жа час прэс-служба Лукашэнкі заявіла, што для таго рашэнне Алабара «стала навіной», адзначае агенцтва.

Дырэктар кампаніі Emaar Properties Махамед Алі Алабар. Фота: БелТА

Нагадаем, што пад праект «Паўночнага берага» Аляксандр Лукашэнка ў 2021 годзе выпусціў спецуказ №186 «Аб рэалізацыі інвестыцыйнага праекта». У ім інвестару даюцца шматлікія прэферэнцыі, галоўная з якіх у тым, што шчыльнасць забудовы дазволена павялічыць амаль удвая вышэй за лімітную норму, зацверджаную раней рознымі міністэрствамі.

Эколагі асцерагаліся, што калі праект «Паўночны бераг» рэалізуецца ў тым выглядзе, які абяцаюць інвестары, то цэнтр сталіцы Беларусі, імаверна, будзе задыхацца ад пастаяннага смогу. Бо шчыльнасць забудовы будзе залімітнай (значна вышэйшай за «Мінск-Свет» або «Маяка Мінска»), а вышыня будынкаў — большай за 50 метраў.

Сам «Паўночны бераг» яшчэ толькі-толькі пачаў будавацца на поўначы Мінска. Для яго была выдзелена амаль тысяча гектараў зямлі, а кошт праекта ацэньваецца мінімум у 4 мільярды еўра (каля 15 мільярдаў беларускіх рублёў).

Цалкам дабудаваць ўвесь комплекс планавалі да 2040 года. На яго тэрыторыі патэнцыйна змогуць пражываць больш за 30 тысяч чалавек.

Мапа запланаванай забудоўлі «Паўночнага берага» ў Мінску. Фота: Onliner

Каментары22

  • Ганьба
    07.04.2024
    Зрада!!!
  • даведка
    07.04.2024
    Если для самого Лукашенко это стало новостью, то его согласие на продажу активов не получалось, а значит, придётся платить двадцать пять процентов или ему по закону придётся конфисковать у своих арабских друзей.
  • Правдоруб 54
    07.04.2024
    Владельцы особняков по миллиону долларов на улице Станюты вздохнули с облегчением!)
    ...а зря, ребята! Сейчас там налепят панелек а-ля Каменная Горка, откаты выданы, назад дороги нет!)

Цяпер чытаюць

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыя9

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыя

Усе навіны →
Усе навіны

Ціханоўская падтрымала пазіцыю Зяленскага аб немагчымасці правядзення перамоў у Мінску10

У Літве высветлілі, што дапамогу, прызначаную бежанцам з Украіны, атрымлівалі і людзі з іншых краін. Сярод іх ёсць і беларусы1

Маці траіх дзяцей просіць Лукашэнку вярнуць іх з прытулку. Чыноўнікі патлумачылі, чаму ў яе не атрымалася

Іспанія дамагаецца прызнання каталонскай мовы ў ЕС: Брусэль тармозіць працэс

Журналісты атрымалі доступ да сакрэтных планаў расійскіх ядзерных вайсковых баз3

Трамп прапанаваў Канадзе доступ да абароны пад «Залатым купалам». Пры адной умове5

Грошы для былога палітвязня Андрэя Чапюка сабралі менш чым за паўсутак

У Германіі адмяняюць нядаўна ўведзеную магчымасць «экспрэс-натуралізацыі»

«Муж быў супраць таго, каб Анжаліка сустракалася з дзецьмі з іншым мужчынам». Аўтар расследавання пра Мельнікаву падзяліўся некаторымі дэталямі7

больш чытаных навін
больш лайканых навін

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыя9

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыя

Галоўнае
Усе навіны →

Заўвага:

 

 

 

 

Закрыць Паведаміць