Навукова-даследчы інстутут «Платан» знаходзіцца ў падмаскоўным горадзе Фразіна. Плошча пажару ўжо складае 4500 квадратных метраў.
Губернатар Маскоўскай вобласці Андрэй Вараб'ёў паведаміў пра двух загінулых падчас пажару. Яны атрымалі смяротныя траўмы, выскачыўшы з вокнаў. Пазней «Інтэрфакс» паведаміў пра 8 загінулых.
Адзін з пацярпелых падчас пажару знаходзіцца ў цяжкім стане ў рэанімацыі. Акрамя таго, па медыцынскую дапамогу звярнуліся двое пажарных.
Паводле інфармацыі ТАСС, унутры будынка абрынуліся канструкцыі.
НДІ «Платан» займаецца ў тым ліку распрацоўкай электронна-прамянёвых прыбораў і паўправадніковых лазераў, а таксама вадкакрысталічных экранаў. Распрацаваная ім прадукцыя прымяняецца ў тым ліку і ў вайсковых мэтах.
Праўда, холдынг «Расэлектроніка» заявіў, што падпалены будынак, маўляў, не мае дачынення да інстытута «Платан» і «абароннай прамысловасці», ён знаходзіцца ў прыватнай уласнасці.
Увогуле падобныя пажары ў Расіі ў апошні час сталі будзённым з'явай.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2020
Каментары