Беларускі хакеіст Уладзіслаў Калячонак падпісаў двухгадовы кантракт з хакейным клубам «Юта», які гуляе ў Нацыянальнай хакейнай лізе.
Хакейны клуб Нацыянальнай хакейнай лігі «Юта» (былая «Арызона») абвясціў пра падпісанне новага двухгадовага кантракту з беларускім абаронцам Уладзіславам Калячонкам.
Паводле ўмоваў кантракту гулец атрымае за кожны сезон па $775 тыс., што сумарна складзе крыху больш за $1,5 млн за ўвесь перыяд.
«Юта» — новы клуб НХЛ, які будзе базавацца ў горадзе Солт-Лэйк-Сіці. Каманда стала правапераемніцай «Арызоны», якая замарозіла дзейнасць да 2029 года. Гэты час клубу неабходны для пабудовы новай базы і лядовай арэны.
Раней Калячонак на працягу трох сезонаў выступаў менавіта ў сістэме «Арызоны». За апошнія тры гады ён правёў у Нацыянальнай хакейнай лізе 32 матчы.
Паралельна з гульнёй за «Арызону» ў НХЛ беларус выступаў за «Тусон» у Амерыканскай хакейнай лізе, другой па значнасці ў Паўночнай Амерыцы. Тут за тры сезоны Калячонак правёў 150 матчаў і набраў 48 (13+35) балаў па сістэме «гол + пас».
Апошнім часам хадзілі чуткі пра вяртанне беларуса ў мінскае «Дынама» з-за нерэгулярнай практыкі ў НХЛ, але яны аказаліся непраўдзівымі.
Цяпер чытаюць
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода18
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары