«Дзіця ехала з траўмай хрыбта, а не са спалохам». Падрабязнасці здарэння з атракцыёнам у парку Чалюскінцаў
Відавочца распавяла, што пацярпелых было больш, чым чатыры чалавекі.
Увечары 6 ліпеня ў парку Чалюскінцаў у Мінску зламаўся атракцыён. З-за абрыву трасоў кабінкі з людзьмі ўпалі на зямлю з вышыні 3-4 метры.
У адміністрацыі Першамайскага раёна распавялі пра мінімум чатырох пацярпелых. Супрацоўнікі парку гаварылі аб трох наведвальніках, якім спатрэбілася дапамога.
Аднак адна з наведвальніц распавяла Onliner, што пацярпелых магло быць больш.
«У 18:35 рэзка ўпалі ў зямлю, пасля ўздыму наверх прайшло 30 секунд. З'язджалі на хуткай, дзіця ехала з траўмай паяснічнага аддзела хрыбта, а не са спалохам, як каментуе адміністрацыя. Я — з траўмай локцевага сустава. У бальніцы зрабілі здымкі і паставілі ўдары сярэдняй ступені цяжкасці.
Хуткую выклікалі мінакі і работнікі парку (велізарны чалавечы дзякуй работнікам хуткай дапамогі). У кожнай кабінцы былі людзі, нас было значна больш, чым чатыры чалавекі. Людзі разышліся адразу, потым падыходзілі, апрацоўвалі ранкі», — распавяла наведвальніца.
Іншыя відавочцы распавядалі, што на месца здарэння прыбылі тры карэты хуткай дапамогі. Дзеці плакалі, але самастойна ўсталі на ногі. Адна з жанчын трымалася за руку.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА105
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары