Вядомы беларускі арбітр апынуўся за кратамі за стварэнне «экстрэмісцкага» чата
Вядомага баскетбольнага арбітра Аляксандра Сырыцу затрымалі ў студзені 2024 года, калі ён вяртаўся ў Беларусь. Цяпер ён знаходзіцца ў СІЗА. Яго абвінавачваюць у «абразе Лукашэнкі» і «стварэнні экстрэмісцкага фармавання», даведалася «Еўрарадыё».
Аляксандр Сырыца на працягу многіх гадоў быў адным з найлепшых баскетбольных арбітраў Беларусі. Суддзя FIBA з 2005 года. У 2019 годзе разам з калегамі Сырыца падаў у суд на федэрацыю баскетбола, прайграў і трапіў у чорны спіс. Жыў у Аўстраліі, займаўся бізнэсам, часта бываў ва Украіне.
Сырыца раней нібыта лічыў, што прыезд у Беларусь не звязаны з вялікімі рызыкамі. Але на мяжы затрымалі не толькі яго, але і ягоную жонку (яна адсядзела суткі). Удзельнікаў чата выклікалі на допыт.
Адзначым, што 16 студзеня КДБ прызнала «экстрэмісцкім фармаваннем» фонд Fund of Belarus Friend LTD — тады паведамлялася, што дачыненне да яго мае грамадзянін Беларусі Аляксандр Сырыца.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х77
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х7
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары