Viadomy biełaruski arbitr apynuŭsia za kratami za stvareńnie «ekstremisckaha» čata
Viadomaha baskietbolnaha arbitra Alaksandra Syrycu zatrymali ŭ studzieni 2024 hoda, kali jon viartaŭsia ŭ Biełaruś. Ciapier jon znachodzicca ŭ SIZA. Jaho abvinavačvajuć u «abrazie Łukašenki» i «stvareńni ekstremisckaha farmavańnia», daviedałasia «Jeŭraradyjo».
Alaksandr Syryca na praciahu mnohich hadoŭ byŭ adnym z najlepšych baskietbolnych arbitraŭ Biełarusi. Sudździa FIBA z 2005 hoda. U 2019 hodzie razam z kalehami Syryca padaŭ u sud na fiederacyju baskietboła, prajhraŭ i trapiŭ u čorny śpis. Žyŭ u Aŭstralii, zajmaŭsia biznesam, časta byvaŭ va Ukrainie.
Syryca raniej nibyta ličyŭ, što pryjezd u Biełaruś nie źviazany ź vialikimi ryzykami. Ale na miažy zatrymali nie tolki jaho, ale i jahonuju žonku (jana adsiadzieła sutki). Udzielnikaŭ čata vyklikali na dopyt.
Adznačym, što 16 studzienia KDB pryznała «ekstremisckim farmavańniem» fond Fund of Belarus Friend LTD — tady paviedamlałasia, što dačynieńnie da jaho maje hramadzianin Biełarusi Alaksandr Syryca.
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary