У бальніцы памёр беларус, які пацярпеў у ноч з 1 на 2 верасня ў аварыі на аўтамагістралі пад Люблінам, паведамляе Most са спасылкай на мясцовую прэсу.
Фота: policja.pl
Інцыдэнт адбыўся ў раёне населенага пункта Каролін у Люблінскім ваяводстве. Кіроўца машыны Toyota, які рухаўся па аўтамагістралі S17 у бок Любліна, не справіўся з кіраваннем, у выніку чаго аўтамабіль вылецеў з дарогі і перакуліўся. У машыне знаходзіліся два чалавекі, якіх з раненнямі даставілі ў бальніцу.
Нягледзячы на намаганні лекараў, 5 верасня адзін з пацярпелых памёр. Паводле звестак паліцыі, памерлы быў грамадзянінам Беларусі. Інфармацыя пра другога пацярпелага пакуль не выдаецца.
Вядзецца следства для высвятлення прычын аварыі.
Цяпер чытаюць
Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу4
Каментары