Бестселер Эндзі Ўіра «Марсіянін» з’явіўся адразу ў трох фарматах — папяровым, электронным і аўдыя. Так-так, той самы, паводле якога быў зняты фільм з Мэтам Дэйманам, што разляцеўся на мільёны мемаў, піша «Будзьма».
Пераклад і выданне кнігі сталіся магчымымі дзякуючы супрацы Асацыяцыі Беларусаў у Амерыцы, выдавецтва «Gutenberg Publisher» і аўдыявыдавецтва Audiobooks.by. А таксама дзякуючы фінансавай падтрымцы беларусаў і беларусак ЗША — Мікіты, Юрыя, Марыянны, Каці і Сяргея.
Перакладчык кнігі пажадаў застацца пакуль ананімным, але падзяліўся ўражаннямі:
«Хтосьці скажа, што «Марсіянін» — ня самая неабходная сёння кніга па-беларуску і ёсць процьма іншых праграмных і больш сур’ёзных твораў, якія спярша хацелася б мець у перакладзе, але, на маю думку, якраз такой літаратуры — сучаснай, прыгодніцкай, папулярнай, даступнай і цікавай шырокаму колу чытачоў — нам і бракуе. Ня буду хаваць, як перакладчык я атрымаў сапраўднае задавальненне, працуючы над гэтым тэкстам, і, нягледзячы на пэўныя цяжкасці, мне самому да апошняй старонкі было цікава. Таму спадзяюся, што і чытачы атрымаюць не меншае задавальненне ад гэтай неймавернай і кранальнай гісторыі, якая дае нам надзею і прыклад веры ў чалавека і чалавецтва»
А вось, што кажа прадзюсар праекта, кіраўнік аўдыявыдавецтва Audiobooks.by Мікіта Белаглазаў:
«Па-першае, усіх віншую з выданнем яшчэ адной кнігі па-беларуску. Лёгкай, цікавай фантастыкі. Выданнем гэтай кнігі мы, Асацыяцыя Беларусаў у Амэрыцы, плануем пачаць серыю перакладаў розных амерыканскіх бэстсэлераў на беларускую. Па кнізе на год-два. І, спадзяюся, натхнім і іншыя дыяспары і арганізацыі»».
Дзе знайсці кнігу (выдавецтвы звяртаюць увагу, што ўсе фарматы кнігі ў продажы — у платным доступе)
Цяпер чытаюць
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы9
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары