«Як ягня выконваў іх «парады». Тэлефонныя махляры абдурылі Маляваныча
Акцёр і тэлевядучы Аляксандр Ждановіч, найбольш вядомы як Маляваныч з «Калыханкі», расказаў на сваёй старонцы ў фэйсбуку, як неспадзявана стаў ахвярай тэлефонных махляроў.
«Мяне папярэджвалі, але я «трапіў» як дзіцёнак. Працуюць вельмі прафесійна. Звоняць па тэлефоне. Называюцца працаўнікамі банка. Кажуць, што была спроба з вашага рахунка зняць грошы. Для абароны трэба назваць гэта і гэта… Потым банкінг аказваецца заблакаваным.
І я галавой разумеў, што падобна на ашуканства. Але як ягня выконваў іх «парады». Усё вельмі хутка!
Калі спахапіўся — патэліў у банк. Сапраўдныя працаўнікі рахунак заблакавалі. Картку сказалі выкінуць. Але што там з грашыма… У панядзелак пайду разбірацца. Магчыма, я стаў лёгкім, як паветраны шарык…», — напісаў акцёр.
З-за гэтага інцыдэнту сарвалася мерапрыемства з удзелам Аляксандра Ждановіча. Вечарам 18 кастрычніка ён павінен быў у варшаўскім Беларускім моладзевым хабе правесці вечар батлейкі. Аднак махляры патэлефанавалі акурат тады, калі ён збіраўся туды ехаць.
Цяпер чытаюць
У 55 гадоў памёр стваральнік брэнду Serge Сяргей Атрошчанка9
Каментары
умеюць апрацоўваць
магу парачку (іх было куды больш) і сваіх жыццёвых гісторый расказаць.. свякроў перасылае неяк мне па Вайберы папярэджанне аб махлярах.. я адказала нешта кшталту - мне-то навошта? я ж быццам не падуладная.
праз пару дзён дазнаемся, што развялі на грошы свякроў (ці чытала яна сама тое папярэджанне?).. пералічыла махлярам ледзь не палову рахунка.. пералічыла б пэўна і больш, калі б свёкр не спыніў. у нейкі момант ён адцягнуўся ад тэліка ) і падумаў, што жонка надта доўга (доўга яе апрацоўвалі) з некім размаўляе.. і гэта. Ахтунг! свякроў досыць разумная, разважная і ўсё такое, але.. ну вось умеюць развесці махляры…
асабліва махляры актывізуюцца ў ліхія часы. такія, як зараз. відавочныя рэчы кажу)
шчэ гады 2 таму надакучвалі і мне. больш пасля таго (цьху-цьху) ніхто не тэлефануе )
неяк на працы чарговы раз тэлефануюць.. нешта коратка адказала, паклала слухаўку і вылаялася:«ідзіце ў )-!-( () |¯| Ɣ , машэннікі»
калега, што сядзела бліжэй да мяне, пачуўшы, сказала: «*****, ты што? мы зараз цябе паслухаем і будзем рабіць, як ты)» (машэннікі тады ўсіх дасталі. не толькі мяне) кажу: «ты што – так дрэнна думаеш пра мяне? я спачатку паклала слухаўку, а потым ужо паслала іх» пасмяяліся)
ПС. Люблю іх дапякаць. Звычайна яны абкладаюць мяне матамі і кідаюць слухаўку. Але ж усё адно страшна што аднойчы яны мяне падловяць на стрэсе.