Дзеці, якія ва ўлонні маці рэгулярна чуюць дзве мовы, маюць болей шанцаў стаць білінгвамі.
Гэтак мяркуюць навукоўцы з універсітэта Брытанскай Калумбіі, што ў Ванкувэры, і іх калегі з Францыі.
Калі немаўлятак штось цікавіць, тыя бяруцца жвавей смактаць. Дык во навукоўцы раздзялілі малеч на дзве групы — хто чуў адну мову і хто дзве. Тады далі паслухаць гаворку на дзвюх мовах і ад розных людзей.
Дзеткі з першай групы рэагавалі толькі на адну мову, а з другой — на абедзве.
Далей дзеткам з другой групы гаварылі на адной мове, пакуль ім не надакучвала, потым пераходзілі на іншую мову або змянялі чалавека, які гаварыў. Дык вось малыя рэагавалі на змену моў і не зважалі, калі на той самай мове працягваў гаварыць іншы чалавек.
З гэтага навукоўцы выснавалі, што дзеці ўжо ва ўлонні маці могуць адрозніваць мовы. Вядома, калі з імі на тых мовах размаўляць.
-
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў
-
Фальсіфікацыі ў даследаваннях хваробы Альцгеймера. Як вынікі прывялі не туды
-
Беларускія вучоныя пахваліліся папяровымі кубачкамі, вырабленымі па новай тэхналогіі. Такія то рабілі даўно, але нашы дадалі іншае рэчыва
Цяпер чытаюць
Каханак Анжалікі Мельнікавай — агент беларускіх спецслужбаў з пашпартам прыкрыцця56
Каментары