Абраны прэзідэнт ЗША Дональд Трамп вылучыў кандыдатуры кіраўніка Пентагона і дырэктара ЦРУ ў новай адміністрацыі, а бізнэсоўцам Ілану Маску і Вівеку Рамасвамі прапанаваў узначаліць новы Дэпартамент эфектыўнасці ўрада, паведамляе Бі-бі-сі.
Новым міністрам абароны ЗША стане ветэран амерыканскай арміі і вядучы Fox News Піт Хегсет, ЦРУ ўзначаліць былы дырэктар Нацыянальнай разведкі Джон Рэткліф.
Прызначэнне Хегсета — адно з ключавых і самых чаканых у новай адміністрацыі.
«Піт жорсткі, разумны і шчыра верыць у тое, што Амерыка вышэй за ўсё, — гаворыцца ў заяве Трампа. — З Пітам на чале [Пентагона] ворагі Амерыкі будуць папярэджаныя — нашы ўзброеныя сілы зноў стануць вялікімі, і Амерыка ніколі не адступіць».
Пра Рэткліфа, які ў мінулым быў кангрэсменам Тэхаса, Трамп сказаў, што «ён заўсёды быў змагаром за праўду і сумленнасць з амерыканскім народам».
Ілану Маску і былому прэтэндэнту на вылучэнне ў якасці кандыдата на пасаду прэзідэнта ад Рэспубліканскай партыі Вівеку Рамасвамі Трамп прапанаваў сумесна ўзначаліць новы Дэпартамент эфектыўнасці ўрада ЗША (DOGE).
«Разам гэтыя два выдатныя амерыканцы пракладуць шлях маёй адміністрацыі да ліквідацыі ўрадавай бюракратыі, скарачэння залішняга рэгулявання, скарачэння марных выдаткаў і рэструктурызацыі федэральных агенцтваў, што з'яўляецца найважнейшай умовай руху «Выратуем Амерыку»», — гаворыцца ў заяве Трампа.
Абрэвіятура новага Дэпартамента — DOGE — з'яўляецца адсылкай да назвы крыптавалюты Dogecoin, якую прасоўвае Ілан Маск.
Пакуль незразумела, якую форму прыме новая структура.
У заяве Трампа гаворыцца, што яна будзе «супрацоўнічаць з Белым домам і [ужо існуючым] Упраўленнем па бюджэце для правядзення буйнамаштабных структурных рэформаў».
Вядома таксама, што Маск і Рамасвамі будуць выконваць гэтую працу да ліпеня 2026 года. Незразумела, ці скончыцца тэрмін іх паўнамоцтваў пасля гэтага.
Цяпер чытаюць
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»3
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3434
Каментары
И демократов похоже будут громить.