Арыштаваны дом Цапкалаў у Мінску не прадалі на аўкцыёне — не знайшлося ахвотных
Электронныя таргі, якія былі прызначаныя на 20 лістапада, не адбыліся.
Аўкцыён па продажы арыштаванага двухпавярховага дома Валерыя Цапкалы ў Мінску не адбыўся. На пляцоўцы «БелЮрЗабеспячэнне» ўказана, што ахвотных купіць дом не знайшлося.
Двухпавярховы дом № 7 на вуліцы Цяплічнай у Мінску быў выстаўлены на таргі разам з зямельным участкам плошчай 0,1411 га.
Агульная плошча будынка складае 418,3 м². У склад лота таксама ўваходзяць розныя маёмасці, у тым ліку мэбля, бытавая тэхніка і прадметы інтэр'еру.
Стартавая цана складала 2 104 000 рублёў пры суме задатку ў 210 400 рублёў. Аднак на таргі ніхто не прыйшоў.
У красавіку з другога разу на аўкцыёне была прададзеная арыштаваная трохпакаёвая кватэра Цапкалаў у Мінску. Нерухомасць агульнай плошчай 103,7 кв. м з месцам на падземным паркінгу была прададзена за 395,7 тысячы рублёў.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1414
Каментары