ЗША рассакрэцілі даклад аб палітычных забойствах і замахах, якія адбываліся на загад Пуціна
Справаздача амерыканскіх спецслужбаў аналізуе выкарыстанне Расіяй палітычных забойстваў у якасці дзяржаўнай палітыкі з самага пачатку прэзідэнцтва Уладзіміра Пуціна.
Офіс дырэктара Нацыянальнай разведкі ЗША раскрыў змест канфідэнцыйнага дакладу ад 2016 года, у якім ацэньваецца, наколькі шырока расійскія спецслужбы выкарыстоўваюць практыку палітычных забойстваў за мяжой. У справаздачы пералічаныя забойствы, якія, па ацэнцы разведкі ЗША, маглі быць здзейсненыя расійскімі спецслужбамі за мяжой у перыяд з 1 студзеня 2000 года па ліпень 2016-га.
Дакумент быў апублікаваны ў рамках амерыканскага закона аб свабодзе інфармацыі. Пры гэтым частка інфармацыі ўсё яшчэ лічыцца сакрэтнай, таму дакумент быў апублікаваны з частковай цэнзурай у выглядзе чорных ліній у некалькіх частках тэксту.
Першым палітычным забойствам за мяжой, паводле дакладу, называецца падрыў у Катары аўтамабіля Зелімхана Яндарбіева, былога лідара Ічкерыі. Сярод іншых выпадкаў, якія звязваюцца з Крамлём, вылучаюцца атручэнні былога афіцэра ФСБ Аляксандра Літвіненкі (Лондан, 2006 год) і расійскага бізнэсмена Аляксандра Перапялічнага (таксама ў Вялікабрытаніі, 2012 год).
Пад пагрозай пераследу таксама знаходзяцца палітычныя і апазіцыйныя лідары ў былых савецкіх рэспубліках, лічыцца ў дакладзе разведкі ЗША. Напрыклад, выпадак з былым прэзідэнтам Украіны Віктарам Юшчанка, які перажыў атручэнне ў 2004 годзе, разглядаецца амерыканскімі спецслужбамі ў якасці адной з расійскіх аперацый на загад Пуціна.
Нелаяльныя Крамлю сепаратысты на ўсходзе Украіны таксама станавіліся мішэнню Пуціна, адзначаецца ў дакуменце. У якасці прыкладу прыводзіцца забойства так званага «міністра абароны ЛНР» Аляксандра Бяднова (пазыўны «Бэтмэн») у 2015 годзе.
Згодна з ацэнкамі амерыканскай разведкі, Пуцін, хутчэй за ўсё, асабіста санкцыянуе забойствы высокапастаўленых асоб за мяжой. Аўтары даклада спасылаюцца на высновы афіцыйнага расследавання атручэння Літвіненкі.
Акрамя таго, у дакладзе сказана, што Пуцін дазволіў кіраўніку Чачні Рамзану Кадыраву праводзіць забойствы ўраджэнцаў Чачні за мяжой. Звычайна такія забойствы ў выкананні кадыраўцаў суправаджаюцца стралянінай, у той час як расійскія спецслужбы выкарыстоўваюць больш складаныя метады, уключаючы атручэнні (часта) і дыстанцыйныя выбухі (рэдка), падкрэсліваецца ў справаздачы.
«Мы ацэньваем, што Расія валодае магчымасцямі для ліквідацыі апанентаў з выкарыстаннем хімічных і біялагічных рэчываў, заснаванымі на даўніх распрацоўках савецкага перыяду. Гэтыя намаганні даюць Крамлю шырокі спектр інструментаў для ажыццяўлення такіх аперацый.
Масква актыўна адсочвае дысідэнтаў і перабежчыкаў за мяжой, асабліва тых, хто, паводле меркавання Крамля, уяўляе пагрозу для яго інтарэсаў», — падагульняе даклад разведка ЗША.
«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца16
Каментары